ប្រធានាធិបតីរុស្ស៊ីលោកវ្ល៉ាឌីមៀរពូទីនថ្លែងកាលពីថ្ងៃទី២៤ កញ្ញាថា ប្លុកឧស្សាហកម្មយោធារុស្ស៊ីត្រូវការនូវដៃគូរដ្ឋ-ឯកជនដើម្បីធ្វើទំនើបភាវូូបនីយកម្មកងទ័ពរបស់ខ្លួន ។លោកពូទីនថ្លែងទៅកាន់ឧបនាយករដ្ឋមន្ត្រីទទួលបន្ទុកផ្នែកឧស្សាហកម្មយោធាលោក ឌីមីឌ្រី រ៉ូហ្គោហ្ស៊ីន ថារហូតមកទល់ពេលនេះខ្ញុំនៅពុំទាន់មានអ្វីដែលពេញចិត្តនៅឡើយ បើនិយាយឱ្យត្រង់ទៅ ។ យើងដឹងពីបញ្ហាទាំងឡាយនៃសកម្មភាពគ្រឿងសព្វាវុធ និងគ្រាប់រំសេវ ។
ក្នុងឱកាសនៃកិច្ចប្រជុំមួយនៅឯកន្លែងកម្សាន្តមាត់សមុទ្រសូតជីនៅជាប់សមុទ្រខ្មៅ លោករ៉ូហ្គោហ្ស៊ីនបានស្នើទាញយកមូលធនឯកជនសម្រាប់ជំនះបញ្ហាទាំងឡាយដែលឧស្សាហកម្មយោធាកំពុងជួបប្រទះ ។លោកពូទីនមានប្រសាសន៍ថា មានតែការជួយទ្រទ្រង់ដោយផ្ទាល់របស់រដ្ឋទេទើបអាចជួយដល់ផ្នែកឧស្សាហកម្មយោធាក្នុងការពុះពារជំនះបណ្តាការលំបាកលើដំណើរការទំនើបភាវូបនីយកម្មកងទ័ព ។
ម្យ៉ាងវិញទៀតប្រធានាធិបតីរុស្ស៊ីអំពាវនាវដល់ផ្នែកនេះត្រូវស្រូបទាញថែមទៀតនូវវិនិយោគ ហើយធានារ៉ាប់រងខាងសង្គមដល់បណ្តានិយោជិតរបស់ខ្លួន ។ នេះជាផ្នែកដែលដើរតួនាទីសំខាន់នាពេលនេះនិងនាពេលអនាគតក្នុងកិច្ចការពារសន្តិសុខរបស់ប្រទេស ។ រដ្ឋាភិបាលរុស្ស៊ីបញ្ចេញប្រាក់២០.០០០ពាន់លានរូប្ល៍ប្រមាណជា៦៤៥ពាន់លានដុល្លារដល់កម្មវិធីបំពាក់អាវុធជាថ្មី របស់កម្មវិធីនេះប្រព្រឹត្តិទៅរហូតដល់ឆ្នាំ២០២០ហើយគ្រោងឱ្យខ្ចីដ់៧០%នៃអាវុធយុទ្ធភ័ណ្ឌរបស់កងទ័ពរុស្ស៊ី ៕
ចែករំលែកព័តមាននេះ