រាជធានីភ្នំពេញ ៖ រថយន្តដឹកកម្មករម៉ាកមីតស៊ុយប៊ីស៊ី មួយគ្រឿង បានបើកបោះពូយបុកជាមួយរថយន្តកូរ៉ូឡា នៅចំណុចផ្លូវកែងរួចជ្រុលទៅបុកស្លាកគណបក្សប្រជាជនកម្ពុជាបណ្តាលឱ្យបាក់ទ្រេតរងការខូចខាត ។ ចំណែករថយន្តទាំងពីរ២គ្រឿងស្រុញក្បាល ។ ទោះបីជាយ៉ាងណា ពុំបង្កឱ្យមនុស្សរងរបួសធ្ងន់ឡើយ គឺមានតែកម្មករម្នាក់រងរបួសស្រាល ។ គ្រោះថ្នាក់ចរាចរណ៍នេះបានកើត
រាជធានីភ្នំពេញ ៖ រថយន្តដឹកកម្មករម៉ាកមីតស៊ុយប៊ីស៊ី មួយគ្រឿង បានបើកបោះពូយបុកជាមួយរថយន្តកូរ៉ូឡា នៅចំណុចផ្លូវកែងរួចជ្រុលទៅបុកស្លាកគណបក្សប្រជាជនកម្ពុជាបណ្តាលឱ្យបាក់ទ្រេតរងការខូចខាត ។ ចំណែករថយន្តទាំងពីរ២គ្រឿងស្រុញក្បាល ។ ទោះបីជាយ៉ាងណា ពុំបង្កឱ្យមនុស្សរងរបួសធ្ងន់ឡើយ គឺមានតែកម្មករម្នាក់រងរបួសស្រាល ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៤រសៀលថ្ងៃទី២៤ កញ្ញា នៅចំណុចផ្លូវលេខ៣១៧កែងផ្លូវលេខ៥៦៦ សង្កាត់បឹងកក់ទី២ ខណ្ឌទួលគោក។
តាមព័ត៌មានឱ្យដឹងថា មុនពេលកើតហេតុរថយន្តម៉ាកមីតស៊ុយប៊ីស៊ី ពណ៌ទឹកប្រាក់ ១បាំងកន្លះមួយគ្រឿងដឹកកម្មករតាមផ្លូវលេខ៣១៧ពីត្បូងទៅជើង លុះមកដល់ចំណុចកែងផ្លូវលេខ៥៦៦ ក៏បានបុកជាមួយរថយន្តម៉ាកកូរ៉ូឡា ពណ៌ទឹកប៊ិច មួយគ្រឿងជិះគ្នា៣នាក់ចំពីមុខពេញទំហឹងបណ្តាលឱ្យរថយន្តទាំងពីររងការខូចខាតខ្ទេចមុខ ។ ចំណែករថយន្តម៉ាកមីតស៊ុយប៊ីស៊ីនៅមិនទាន់អស់ល្បឿនក៏ជ្រុលឡើងចិញ្ចើមផ្លូវទៅបុកបង្គោលស្លាកគណបក្សប្រជាជនកម្ពុជា ជាប់ទៅមុខលែងរួចធ្វើឱ្យបង្គោលស្លាកគណបក្សបាក់ទ្រេតរងការខូចខាត ។
ភ្លាមៗអ្នកបើករថយន្តមីតស៊ុយប៊ីស៊ី បានចុះគេចខ្លួនបាត់ ។ រថយន្តទាំងពីរត្រូវប៉ូលិសខណ្ឌទួលគោក ស្ទូចបញ្ជូនទៅរក្សាទុកនៅអធិការដ្ឋានខណ្ឌទួលគោក រង់ចាំដោះស្រាយតាមផ្លូវច្បាប់ ៕
ចែករំលែកព័តមាននេះ