តាមសារព័ត៌មានបរទេសផ្សាយថា យោងតាមរបាយការណ៍ជាច្រើនឱ្យដឹងថា យោធារបស់សហរដ្ឋអាមេរិកកំពុងចំណាយលុយយ៉ាងច្រើនសន្ធឹកសន្ធាប់សម្រាប់គម្រោងថ្មីមួយនៃការបង្កើតមូសអេឡិចត្រូនិកដែលអាចហៅម៉្យាងទៀតថាជាប្រភេទយន្តហោះខ្នាតតូចបំផុត និងអាចហោះហើរទៅស៊ើបអង្កេតនៅតាមវាលស្មៅបីដូចជាប្រភេទសត្វល្អិតនានា ។
តាមសារព័ត៌មានបរទេសផ្សាយថា យោងតាមរបាយការណ៍ជាច្រើនឱ្យដឹងថា យោធារបស់សហរដ្ឋអាមេរិកកំពុងចំណាយលុយយ៉ាងច្រើនសន្ធឹកសន្ធាប់សម្រាប់គម្រោងថ្មីមួយនៃការបង្កើតមូសអេឡិចត្រូនិកដែលអាចហៅម៉្យាងទៀតថាជាប្រភេទយន្តហោះខ្នាតតូចបំផុត និងអាចហោះហើរទៅស៊ើបអង្កេតនៅតាមវាលស្មៅបីដូចជាប្រភេទសត្វល្អិតនានា ។
យោងតាមប្រភពមួយចំនួនដែលចេញផ្សាយតាមប្រព័ន្ធអីុនធើរណេតឱ្យដឹងថា ក្រុមអ្នកសិក្សាស្រាវជ្រាវមួយក្រុមនៅឯសាកលវិទ្យាល័យចនហបគីន បានសហការជាមួយកងកម្លាំងស្រាវជ្រាវទ័ពជើងអាកាសរបស់សហរដ្ឋអាមេរិកនៅឯរ៉ៃផាធើនសុនអែហ្វស មានមូលដ្ឋាននៅអែឡាញតុន សិក្សាស្រាវជ្រាវ និងអភិវឌ្ឍន៍គម្រោងថ្មីមួយនេះ ដែលមានឈ្មោះថាមីក្រូអែរៀលវីអីុខល (MAV) សម្រាប់បំពេញការងារផ្នែកខាងស៊ើបអង្កេតគ្រប់ យ៉ាង។
ប្រភពដដែលនោះបន្តថា ឧបករណ៍នោះបំពាក់កាមេរ៉ា មីក្រូហ្វូន និងមានប្រព័ន្ធត្រួតបញ្ជាពីចម្ងាយទៀតផង វាហោះទៅចុះចតនៅលើស្បែកមនុស្ស និងប្រើម្ជុលដ៏តូចរបស់វាចាក់បញ្ចូលទៅក្នុងស្បែកមនុស្ស ដើម្បីស្រូបយកឌីអិនអេ (DNA) បន្ទាប់មកហោះចេញ ។ ចាក់ស្រូបយក DNA នោះមិនមានការឈឺចាប់ទេ ។
នៅដើមឆ្នាំ២០០៧ រដ្ឋាភិបាលរបស់សហរដ្ឋអាមេរិកត្រូវគេចោទប្រកាន់អំពីការបង្កើតគ្រឿងយន្តសត្វល្អិតឡើង នៅពេលពួកប្រឆាំងនឹងសង្គ្រាមនៅសហរដ្ឋអាមេរិកបានឃើញឧបករណ៍ស្រដៀងនឹងកន្ទុំរុយ ឬក៏ឧទ្ធម្ភាចក្រជាច្រើនដែលហោះសំកាំងនៅខាងលើពួកគេ ។សត្វល្អិតដែលមានទម្ងន់តែ០,១៥ក្រាម និងបំពាក់ដោយម៉ាស៊ីនកាមេរ៉ា រួមទាំងអង្គចងចាំគឺបានប្រើប្រព័ន្ធត្រួតបញ្ជាពីចម្ងាយបានយ៉ាងមានប្រសិទ្ធភាព ៕
ចែករំលែកព័តមាននេះ