រាជធានីភ្នំពេញ ៖ គណៈមេធាវីនៃព្រះរាជាណាចក្រកម្ពុជា កាលពីថ្ងៃទី២១ កញ្ញា ២០១២ បានកោះអញ្ជើញលោកសម រង្ស៊ី មេធាវីមិនប្រកបវិជ្ជាជីវៈអត្តលេខ១០៨ និងជាប្រធានគណបក្សសង្គ្រោះជាតិដែលមានឈ្មោះជាទណ្ឌិតនោះអាចប្រឈមនឹងការលុបឈ្មោះចេញពីបញ្ជីសមាជិកគណៈមេធាវីនៃព្រះរាជាណាចក្រកម្ពុជា ក្នុងពេលដ៏ខ្លីខាងមុខ បើសិនជាមិនចូលមកបំភ្លឺ ។
រាជធានីភ្នំពេញ ៖ គណៈមេធាវីនៃព្រះរាជាណាចក្រកម្ពុជា កាលពីថ្ងៃទី២១ កញ្ញា ២០១២ បានកោះអញ្ជើញលោកសម រង្ស៊ី មេធាវីមិនប្រកបវិជ្ជាជីវៈអត្តលេខ១០៨ និងជាប្រធានគណបក្សសង្គ្រោះជាតិដែលមានឈ្មោះជាទណ្ឌិតនោះអាចប្រឈមនឹងការលុបឈ្មោះចេញពីបញ្ជីសមាជិកគណៈមេធាវីនៃព្រះរាជាណាចក្រកម្ពុជា ក្នុងពេលដ៏ខ្លីខាងមុខ បើសិនជាមិនចូលមកបំភ្លឺ ។
លោកជីវ សុងហាក់ ប្រធានគណៈមេធាវីនៃព្រះរាជាណាចក្រកម្ពុជា កាលពីថ្ងៃទី២១ កញ្ញា ២០១២ បានចេញលិខិតកោះហៅលោកសម រង្ស៊ី ឲ្យចូលខ្លួនមកបំភ្លឺដោយផ្ទាល់ដល់ក្រុមប្រឹក្សានៃគណៈមេធាវីនៃព្រះរាជាណាចក្រកម្ពុជានៅថ្ងៃទី៩ តុលា ២០១២។ តាមប្រភពពីគណៈមេធាវីនៃព្រះរាជាណាចក្រកម្ពុជា កាលពីរសៀលថ្ងៃទី២៣ កញ្ញា ២០១២ បានប្រាប់កោះសន្តិភាពតាមទូរស័ព្ទឲ្យដឹងថា ខាងគណៈមេធាវីនៃព្រះរាជាណាចក្រកម្ពុជា តម្រូវឲ្យលោកសម រង្ស៊ី ខ្លួនឯងចូលមកបំភ្លឺផ្ទាល់ចំពោះក្រុមប្រឹក្សានៃគណៈមេធាវី នៃព្រះរាជាណាចក្រកម្ពុជា នៅថ្ងៃទី៩ តុលា ២០១២ ទាក់ទងទៅនឹងដីកាស្ថាពររបស់សាលាឧទ្ធរណ៍។
មេធាវីសមាជិកគណៈមេធាវីបានមានប្រសាសន៍បញ្ជាក់ថា «ជាធម្មតាដីកាចូលជាស្ថាពរបញ្ជាក់ពីនីតិសម្បទារបស់បុគ្គល (សម រង្ស៊ី) មានទោសជាទណ្ឌិត បើទោះជាលោកសម រង្ស៊ី មិនបានប្រព្រឹត្តខុសវិជ្ជាជីវៈ។ ពេលណាក្លាយខ្លួនជាទណ្ឌិតវាមានទណ្ឌកម្មពីខាងគណៈមេធាវី ហើយទណ្ឌកម្មដែលត្រូវដាក់នោះខ្ញុំមិនទាន់ដឹងថា ក្រុមប្រឹក្សានៃគណៈមេធាវីនៃព្រះរាជាណាចក្រកម្ពុជា ត្រូវដាក់កំរិតណានោះទេ ពីព្រោះអាស្រ័យទៅលើការសម្រេចរបស់ក្រុមប្រឹក្សានៃគណៈមេធាវី» ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ