ប្រធានាធិបតីស៊ូដង់ និងសមភាគីស៊ូដង់ខាងត្បូងបានជួបចរចាគ្នា កាលពីថ្ងៃទី២៣ កញ្ញា នៅទីក្រុងអាឌីសអាបេបា ក្រោមការគាបសង្កត់របស់អន្តរជាតិដើម្បីបញ្ចប់ជម្លោះរយៈពេលជិត៥០ឆ្នាំមកហើយដែលអតីតគូសត្រូវទាំង២ហៀបនឹងធ្លាក់ជាថ្មីក្នុងសង្គ្រាមដ៏ពិតប្រាកដមួយទៅហើយនោះ ។
ប្រធានាធិបតីស៊ូដង់ និងសមភាគីស៊ូដង់ខាងត្បូងបានជួបចរចាគ្នា កាលពីថ្ងៃទី២៣ កញ្ញា នៅទីក្រុងអាឌីសអាបេបា ក្រោមការគាបសង្កត់របស់អន្តរជាតិដើម្បីបញ្ចប់ជម្លោះរយៈពេលជិត៥០ឆ្នាំមកហើយដែលអតីតគូសត្រូវទាំង២ហៀបនឹងធ្លាក់ជាថ្មីក្នុងសង្គ្រាមដ៏ពិតប្រាកដមួយទៅហើយនោះ ។
ប្រធានាធិបតីស៊ូដង់លោកអូម៉ាអាល់បេសៀរ និងសមភាគីស៊ូដង់ខាងត្បូង លោកស៊ីលវ៉ាគីអៀរ បានចាប់ផ្តើមកាលពីយប់ថ្ងៃទី២៣ កញ្ញាក្រោមការឧបត្ថម្ភរបស់សហភាពអាហ្វ្រិកនូវការចរចាដោយផ្ទាល់សំដៅស្វែងរកដំណោះស្រាយដើម្បីបញ្ចប់ជម្លោះរវាងប្រទេសទាំង២ ។អតីតគូសត្រូវនឹងគ្នាទាំង២រូប ដែលកងទ័ពទាំងសងខាងនាឆ្នាំនេះបានប្រយុទ្ធគ្នាយ៉ាងសាហាវនោះបានដើរចូលក្នុងបន្ទប់ប្រជុំដែលគ្រោងសម្រាប់ចរចាក្នុងរដ្ឋធានីអេត្យូពី ។
អ.ស.បបានកំណត់កាលបរិច្ឆេទច្បាស់លាស់មួយសម្រាប់ការចរចាដែលកាលបរិច្ឆេទនោះត្រូវផុតយ៉ាងយូរត្រឹមថ្ងៃទី២២ កញ្ញា ។ អ.ស.បទាមទារឱ្យប្រធានាធិបតីស៊ូដង់ទាំង២ដោះស្រាយបញ្ហាគន្លឹះទាំងឡាយដែលនៅព្យួរទុករវាងប្រទេសទាំង២ ខណៈដែលស៊ូដង់ខាងត្បូងក្លាយជារដ្ឋឯករាជ្យកាលពីឆ្នាំ២០១១ ។ក្នុងចំណោមបញ្ហាដែលលើកឡើងក្នុងការចរចានេះមានបញ្ហាតំបន់ព្រំដែនមានជម្លោះ ពិសេសតំបន់ABYE1ជាតំបន់សំបូរប្រេងកាត ព្រមទាំងការបង្កើតតំបន់ព្រំដែនគ្មានយោធាក្រោយការប៉ះទង្គិចបង្ហូរឈាមគ្នា ៕
ចែករំលែកព័តមាននេះ