អ្នកនាំពាក្យម្នាក់របស់ក្រសួងការពារប្រទេសលីប៊ីថ្លែងកាលពីថ្ងៃទី២៣ កញ្ញាថា កងទ័ពលីប៊ីបានចេញបញ្ជាដល់ពួកជីវពល និងក្រុមប្រដាប់អាវុធស្វយ័តទាំងឡាយឱ្យដកចេញជាបន្ទាន់ពីបណ្តាទីតាំងពួកគេនៅទីក្រុងទ្រីប៉ូលី បើពុំដូច្នោះទេ ពួកគេនឹងត្រូវបណ្តេញចេញដោយកម្លាំង ។ ក៏ប៉ុន្តែពួកជីវពលទាំងនេះមានពេល៤៨ម៉ោងដើម្បីចាកចេញ ។
អ្នកនាំពាក្យម្នាក់របស់ក្រសួងការពារប្រទេសលីប៊ីថ្លែងកាលពីថ្ងៃទី២៣ កញ្ញាថា កងទ័ពលីប៊ីបានចេញបញ្ជាដល់ពួកជីវពល និងក្រុមប្រដាប់អាវុធស្វយ័តទាំងឡាយឱ្យដកចេញជាបន្ទាន់ពីបណ្តាទីតាំងពួកគេនៅទីក្រុងទ្រីប៉ូលី បើពុំដូច្នោះទេ ពួកគេនឹងត្រូវបណ្តេញចេញដោយកម្លាំង ។ ក៏ប៉ុន្តែពួកជីវពលទាំងនេះមានពេល៤៨ម៉ោងដើម្បីចាកចេញ ។
ឱសានវាទនោះធ្វើឡើងក្រោយការដកចេញរបស់កងជីវពលអ៊ិស្លាមនិយមសំខាន់ៗពីទីក្រុងឌ័រណា ភាគខាងកើតប្រទេស និងការបណ្តេញពីទីក្រុងបេនហ្គាហ្ស៊ី នូវក្រុមអានសាអាល់ សារីយ៉ា ដោយសារបាតុកម្មប្រឆាំងពួកអ៊ិស្លាមនិយមជ្រុល ។ក្រុមអានសាអាល់ សារីយ៉ា សង្ស័យជាក្រុមដែលវាយប្រហារស្ថានកុងស៊ុលអាមេរិកកាលពីថ្ងៃទី១១ កញ្ញា នៅទីក្រុងបេនហ្គាហ្ស៊ី បណ្តាលឱ្យស្លាប់ឯកអគ្គរដ្ឋទូតអាមេរិក លោក CHRISTOPHER STEVENS ។
១១ខែក្រោយការសម្លាប់លោកមូអាម៉ា កាដាហ្វី រដ្ឋាភិបាលថ្មីលីប៊ីនៅពុំទាន់អាចគ្រង់គ្រងលើផ្នែកមួយធំនៃដែនដីលីប៊ី ដោយសារវត្តមានរបស់ពួកជីវពលមូលដ្ឋានប្រដាប់ដោយអាវុធពេញដៃ ៕
ចែករំលែកព័តមាននេះ