នាវា៣គ្រឿងរបស់រដ្ឋាភិបាលចិនកាលពីថ្ងៃទី២៤ កញ្ញា បានចូលទៅក្នុងដែនទឹកនៃប្រជុំកោះមានជម្លោះសេនកាគូ-ឌីអាវយូ ដែលនោះជាសកម្មភាពចុងក្រោយមួយរបស់ចិនដែលទាមទារអធិបតេយ្យភាពលើប្រជុំកោះនេះដែលជប៉ុនថាជារបស់ខ្លួន ។នាវាទាំង៣គ្រឿងនោះ ដែល២គ្រឿងជានាវាល្បាតសមុទ្រហើយ១គ្រឿងទៀតជានាវារបស់រដ្ឋបាលនេសាទចិន បានទៅបោះយុថ្កា
នាវា៣គ្រឿងរបស់រដ្ឋាភិបាលចិនកាលពីថ្ងៃទី២៤ កញ្ញា បានចូលទៅក្នុងដែនទឹកនៃប្រជុំកោះមានជម្លោះសេនកាគូ-ឌីអាវយូ ដែលនោះជាសកម្មភាពចុងក្រោយមួយរបស់ចិនដែលទាមទារអធិបតេយ្យភាពលើប្រជុំកោះនេះដែលជប៉ុនថាជារបស់ខ្លួន ។នាវាទាំង៣គ្រឿងនោះ ដែល២គ្រឿងជានាវាល្បាតសមុទ្រហើយ១គ្រឿងទៀតជានាវារបស់រដ្ឋបាលនេសាទចិន បានទៅបោះយុថ្កានៅចម្ងាយ២០គីឡូម៉ែត្រ ពីកោះ២នៃប្រជុំកោះសេនកាគូ ស្ថិតក្នុងសមុទ្រចិនខាងកើត ។
កងឆ្មាំឆេ្នរសមុទ្រជប៉ុនដែលតាមដានពិនិត្យយ៉ាងស្អិត នៅតំបន់ប្រជុំកោះនោះនិយាយថា នាវាល្បាត៦គ្រឿងទៀតរបស់ចិនស្ថិតនៅឆ្ងាយបន្តិចគឺនៅចម្ងាយ២២គីឡូម៉ែត្រពីព្រំដែនទឹកជប៉ុន ។ចំពោះបញ្ហាជម្លោះប្រជុំកោះនេះ ទីប្រឹក្សាជាន់ខ្ពស់ម្នាក់របស់គណបក្សកាន់អំណាចជប៉ុន ថ្លែងកាលពីថ្ងៃទី២៣ កញ្ញា ថា រដ្ឋាភិបាលជប៉ុនត្រូវចាត់ជម្លោះនេះទុកមួយឡែក បើយោងតាមកុងសង់ស៊ុល ពីមុនជាមួយភាគីចិន ។
លោកហ៊ីរ៉ូហ៊ីសា ហ្វូជីអីុ អាយុ៨០ឆ្នាំ អតីតរដ្ឋមន្ត្រីហិរញ្ញវត្ថុ ហើយជាទីប្រឹក្សាសំខាន់របស់គណបក្សប្រជាធិបតេយ្យជប៉ុន PDJ និងរបស់នាយករដ្ឋមន្ត្រីជប៉ុនលោកយូស៊ីហ៊ី កូណូដា គូសបញ្ជាក់ប្រាប់ទូរទស្សន៍រដ្ឋជប៉ុនNHK ថា កុងសង់ស៊ុលនេះត្រូវរក្សាទុក និងថាបណ្តាហេតុផលប្រវត្តិសាស្ត្រត្រូវគោរព ៕
ចែករំលែកព័តមាននេះ