រាជធានីភ្នំពេញ ៖ សមត្ថកិច្ចខណ្ឌចំការមន បានចាប់ខ្លួនយុវជន៥នាក់ក្នុងប្រតិបត្តិការចុះទៅត្រួតពិនិត្យនៅផ្ទះសំណាក់យីហោចំរើនមង្គលមានអាសយដ្ឋានលេខ២១CD ផ្លូវលេខ២៧១ សង្កាត់ផ្សារដើមថ្កូវ ខណ្ឌចំការមន កាលពីវេលាម៉ោង១០និង៤៥នាទីយប់ថ្ងៃទី២២ កញ្ញា ពីបទប្រើប្រាស់និងជួញដូរថ្នាំញៀន ។
រាជធានីភ្នំពេញ ៖ សមត្ថកិច្ចខណ្ឌចំការមន បានចាប់ខ្លួនយុវជន៥នាក់ក្នុងប្រតិបត្តិការចុះទៅត្រួតពិនិត្យនៅផ្ទះសំណាក់យីហោចំរើនមង្គលមានអាសយដ្ឋានលេខ២១CD ផ្លូវលេខ២៧១ សង្កាត់ផ្សារដើមថ្កូវ ខណ្ឌចំការមន កាលពីវេលាម៉ោង១០និង៤៥នាទីយប់ថ្ងៃទី២២ កញ្ញា ពីបទប្រើប្រាស់និងជួញដូរថ្នាំញៀន ។
មន្ត្រីប៉ូលិសព្រហ្មទណ្ឌផ្នែកបង្ក្រាបគ្រឿងញៀន ខណ្ឌចំការមន ឱ្យដឹងថា ក្រុមយុវជនដែលឃាត់ខ្លួនទាំង៥នាក់នេះមានប្រុស២នាក់ និងស្រី៣នាក់ គឺ១-ឈ្មោះអៀង សុភាព ភេទប្រុស អាយុ១៧ឆ្នាំ នៅស្រុកបាណន់ ខេត្តបាត់ដំបង ២-ឈ្នោះរ៉ាន់ ភេទស្រី អាយុ២៧ឆ្នាំ នៅក្រុងតាខ្មៅ ខេត្តកណ្តាល ២នាក់នេះស្នាក់នៅបន្ទប់លេខ៣០៤ ។ ៣-ឈ្មោះ សឹម ហេង ភេទប្រុស អាយុ៣០ឆ្នាំ ជាជាងជួសជុលទូរស័ព្ទ ស្នាក់នៅផ្ទះជួលក្នុងសង្កាត់បឹងទំពុន ខណ្ឌមានជ័យ ៤-ឈ្មោះលី សុផាត ភេទស្រី អាយុ២៩ឆ្នាំ ស្នាក់នៅផ្ទះជួលក្នុងសង្កាត់ផ្សារចាស់ ខណ្ឌដូនពេញ និង៥-ឈ្មោះហេង សាន ភេទស្រី អាយុ២៩ឆ្នាំ នៅផ្ទះជួលសង្កាត់ផ្សារចាស់ ទាំងបីនាក់នេះឃាត់ខ្លួននៅបន្ទប់លេខ៣៣៣ ។
ប្រភពដដែលបានឱ្យដឹងទៀតថា ក្នុងប្រតិបត្តិការបង្ក្រាបនេះសមត្ថកិច្ចបានធ្វើការដកហូតថ្នាំញៀននិងឧបករណ៍ប្រើប្រាស់មួយចំនួន ហើយទាំងមនុស្សនិងសម្ភារខាងលើត្រូវបានឃាត់ខ្លួននិងរក្សាទុកនៅអធិការដ្ឋាននគរបាលខណ្ឌចំការមនដើម្បីកសាងសំណុំរឿងបញ្ជូនទៅតុលាការ ៕
ចែករំលែកព័តមាននេះ