រាជធានីភ្នំពេញ ៖ បុរសម្នាក់បានសន្លប់ស្តូកស្តឹងត្រូវប្រជាពលរដ្ឋជួយសង្គ្រោះបន្ទាប់ពីបុរសនោះបើកម៉ូតូបុកគូទរថយន្តបណ្តាលឱ្យផ្លោងទៅបុកបែកកញ្ចក់ផ្នែកខាងក្រោយនៅមុខហាងលក់គ្រឿងអគ្គិសនីផ្ទះលេខ១៤៨-១៥០Eo ផ្លូវលេខ១១០ សង្កាត់ផ្សារចាស់ ខណ្ឌដូនពេញ កាលពីវេលាម៉ោង៤រសៀលថ្ងៃទី២៣ កញ្ញា ។
រាជធានីភ្នំពេញ ៖ បុរសម្នាក់បានសន្លប់ស្តូកស្តឹងត្រូវប្រជាពលរដ្ឋជួយសង្គ្រោះបន្ទាប់ពីបុរសនោះបើកម៉ូតូបុកគូទរថយន្តបណ្តាលឱ្យផ្លោងទៅបុកបែកកញ្ចក់ផ្នែកខាងក្រោយនៅមុខហាងលក់គ្រឿងអគ្គិសនីផ្ទះលេខ១៤៨-១៥០Eo ផ្លូវលេខ១១០ សង្កាត់ផ្សារចាស់ ខណ្ឌដូនពេញ កាលពីវេលាម៉ោង៤រសៀលថ្ងៃទី២៣ កញ្ញា ។
សាក្សីបាននិយាយប្រាប់សមត្ថកិច្ចថា នៅវេលាម៉ោងខាងលើមានរថយន្តមួយគ្រឿងម៉ាកតូយ៉ូតាស៊ានណា ពណ៌ស្ករមួយគ្រឿងបានឈប់នៅមុខហាងលក់គ្រឿងអគ្គិសនីទីតាំងលេខ១៤៨-១៥០Eo ផ្លូវលេខ១១០ សង្កាត់ផ្សារចាស់ ខណ្ឌដូនពេញ បន្ទាប់ពីទិញអីវ៉ាន់រួចបុរសម្នាក់ចូលក្នុងរថយន្តហើយបើកថយក្រោយយឺតៗស្រាប់តែមានម៉ូតូមួយគ្រឿងម៉ាកស៊ីរីនសា ពណ៌ខ្មៅ បើកដោយយុវជនម្នាក់ក្នុងល្បឿនលឿនបង្គួរមកបុកគូទរថយន្តបណ្តាលឱ្យយុវជននោះផ្លោងទៅបោកនឹងកញ្ចក់ផ្នែកខាងក្រោយបែកខ្ចាយដួលសន្លប់ស្តូកនៅលើផ្លូវហើយត្រូវប្រជាពលរដ្ឋនាំគ្នាជួយរឹតប្រហែល១៥នាទីទើបដឹងខ្លួន រីឯម៉ូតូខូចខាតតិចតួច ។
មន្ត្រីនគរបាលជំនាញបានឱ្យដឹងថា ក្រោយពេលមានការសម្របសម្រួលពីសមត្ថកិច្ច ភាគីម្ចាស់រថយន្តដែលមានការយោគយល់បានយល់ព្រមមិនឱ្យភាគីម៉ូតូសងការខូចខាតកញ្ចក់រថយន្តនោះទេ រីឯភាគីម៉ូតូដែលទើបងើបពីសន្លប់ក៏ឯកភាពបញ្ចប់រឿងដែរ ៕
ចែករំលែកព័តមាននេះ