រាជធានីភ្នំពេញ ៖ ដោយសារតែមិនគោរពតាមពាក្យមួយឃ្លាថា «ស្រវឹងកុំបើកបរ ប្រយ័ត្នគ្រោះថ្នាក់» ទើបជួបបញ្ហាបែបនេះ ។ ជាក់ស្តែងករណីទី១ បុរសម្នាក់បានដួលសន្លប់ស្តូកស្តឹងនៅកណ្តាលផ្លូវ ខណៈដែលស្រវឹងស្រាហើយព្យាយាមបើកម៉ូតូវីវ៉ាពណ៌ខ្មៅសេ៊រី២០០៨មួយគ្រឿងក្នុងល្បឿនលឿននិងរេចង្កូតពេញផ្លូវបណ្តាលឱ្យដួលបោកក្បាលទៅនឹងថ្នល់ កាលពីវេលាម៉ោង៤និង៥០
រាជធានីភ្នំពេញ ៖ ដោយសារតែមិនគោរពតាមពាក្យមួយឃ្លាថា «ស្រវឹងកុំបើកបរ ប្រយ័ត្នគ្រោះថ្នាក់» ទើបជួបបញ្ហាបែបនេះ ។ ជាក់ស្តែងករណីទី១ បុរសម្នាក់បានដួលសន្លប់ស្តូកស្តឹងនៅកណ្តាលផ្លូវ ខណៈដែលស្រវឹងស្រាហើយព្យាយាមបើកម៉ូតូវីវ៉ាពណ៌ខ្មៅសេ៊រី២០០៨មួយគ្រឿងក្នុងល្បឿនលឿននិងរេចង្កូតពេញផ្លូវបណ្តាលឱ្យដួលបោកក្បាលទៅនឹងថ្នល់ កាលពីវេលាម៉ោង៤និង៥០នាទីរសៀលថ្ងៃទី២០ កញ្ញា តាមបណ្តោយផ្លូវ២០០៤ សង្កាត់ទឹកថ្លា ខណ្ឌសែនសុខ ។
ឈ្មោះយឹម ចំរើន អាយុ៣០ឆ្នាំ អ្នកម៉ូតូឌុបស្នាក់នៅសង្កាត់ទឹកថ្លា ខណ្ឌសែនសុខបានឱ្យដឹងថា មុនពេលកើតហេតុគាត់ឃើញម៉ូតូវីវ៉ាពណ៌ខ្មៅ សេ៊រី២០០៨ បើកបរដោយបុរសស្រវឹងជោកម្នាក់យ៉ាងលឿនតាមផ្លូវ២០០៤ ក្នុងទិសដៅពីលិចទៅកើត រេចង្កូតពេញផ្លូវក៏ដួលប្រាវទៅលើថ្នល់ បណ្តាលឱ្យបុរសស្រវឹងស្រាម្នាក់នោះដួលដេកសន្លប់ស្តូកស្តឹងតែម្នាក់ឯងនៅកណ្តាលផ្លូវត្រូវប្រជាពលរដ្ឋនៅក្បែរនោះជួយសែងមកដាក់នៅក្បែរចិញ្ចើមថ្នល់ ។ សាក្សីបន្តថា ក្រោយពេលធ្វើការសង្គ្រោះប្រហែល១០នាទី បុរសនោះក៏ដឹងខ្លួនឡើងវិញ ហើយក៏បន្តដំណើរទៅមុខទៀត បើទោះជាមានប្រជាពលរដ្ឋឃាត់មិនឱ្យទៅ ខ្លាចគ្រោះថ្នាក់យ៉ាងណាក៏ដោយ ។
ដោយឡែកករណីទី២ បុរស២នាក់បានរងរបួសធ្ងន់ត្រូវរថយន្តសាមុយដឹកយកទៅសង្គ្រោះនៅគ្លីនិកឯកជនមួយ ខណៈស្រវឹងធ្លាក់ភ្នែកបើកម៉ូតូហុងដាធុនសេ១២៥ ពណ៌ខ្មៅ ស៊េរី២០០៤ មួយគ្រឿងក្នុងល្បឿនលឿនហើយជ្រុលចង្កូតទៅបុករ៉ឺម៉កម៉ូតូ ពណ៌ក្រហម មួយគ្រឿងបើកបរដោយបុរសម្នាក់ ក្នុងទិសដៅបញ្រ្ចាសគ្នា ចំពីមុខពេញទំហឹង កាលពីវេលាមោ៉ោង៥និង៥នាទីល្ងាចថ្ងៃទី២១ កញ្ញា តាមផ្លូវណតប្រ៊ីត សង្កាត់ទឹកថ្លា ខណ្ឌសែនសុខ មុខឃ្លាំងលក់រថយន្តកូរ៉េមួយកន្លែង ។
សាក្សីបានឱ្យដឹងថា មុនពេលកើតហេតុគេឃើញម៉ូតូហុងដាសេ១២៥ ពណ៌ខ្មៅ ស៊េរី២០០៤ មួយគ្រឿងជិះដោយបុរសស្រវឹង២នាក់ យ៉ាងលឿន និងេរចង្កូតពេញផ្លូវណតប្រ៊ីត ពេលមកដល់មុខឃ្លាំងលក់រថយន្តកូរ៉េបានព្យាយាមបើកវា៉រថយន្តមួយគ្រឿងក៏ជ្រុលចង្កូតទៅបុករ៉ឺម៉កម៉ូតូ បើកបរដោយបុរសម្នាក់មិនស្គាល់អត្តសញ្ញាណ ដែលបើកបញ្ច្រាសទិសគ្នាចំពីមុខពេញទំហឹងបណ្តាលឱ្យបុរសស្រវឹងទាំងពីរនាក់ដែលបើកម៉ូតូសេ១២៥នោះដួលរងរបួសធ្ងន់ត្រូវរថយន្តសាមុយដឹកយកទៅសង្គ្រោះនៅគ្លីនិកឯកជន ។ក្រោយពេលកើតហេតុ ប៉ូលិសចរាចរបានចុះទៅវាស់វែង រួចយកម៉ូតូនិងរ៉ឺម៉កម៉ូតូ ទៅរក្សាទុកនៅអធិការដ្ឋានខណ្ឌសែនសុខ រង់ចាំដោះស្រាយជាក្រោយ ៕
ចែករំលែកព័តមាននេះ