រាជធានីភ្នំពេញ ៖ បុរសម្នាក់បានសន្លប់ដេកស្តូកស្តឹង ហើយត្រូវបានប្រជាពលរដ្ឋជួយសង្គ្រោះ បន្ទាប់ពីបុរសនោះបើកម៉ូតូទៅបុកគូទរថយន្ត បណ្តាលឱ្យបែកកញ្ចក់ផ្នែកខាងក្រោយនៅមុខហាងលក់គ្រឿងអគ្គិសនីផ្ទះលេខ១៤៨-១៥០Eo ផ្លូវលេខ១១០ សង្កាត់ផ្សារចាស់ ខណ្ឌដូនពេញ កាលពីវេលាម៉ោង៤រសៀលថ្ងៃទី២៤ កញ្ញា ២០១២ ។
រាជធានីភ្នំពេញ ៖ បុរសម្នាក់បានសន្លប់ដេកស្តូកស្តឹង ហើយត្រូវបានប្រជាពលរដ្ឋជួយសង្គ្រោះ បន្ទាប់ពីបុរសនោះបើកម៉ូតូទៅបុកគូទរថយន្ត បណ្តាលឱ្យបែកកញ្ចក់ផ្នែកខាងក្រោយនៅមុខហាងលក់គ្រឿងអគ្គិសនីផ្ទះលេខ១៤៨-១៥០Eo ផ្លូវលេខ១១០ សង្កាត់ផ្សារចាស់ ខណ្ឌដូនពេញ កាលពីវេលាម៉ោង៤រសៀលថ្ងៃទី២៤ កញ្ញា ២០១២ ។
សាក្សីបានប្រាប់ឱ្យសមត្ថកិច្ចដឹងថា នៅវេលាម៉ោងខាងលើមានរថយន្តមួយគ្រឿងម៉ាកតូយ៉ូតាស៊ានណា ពណ៌ស្ករ បានឈប់នៅមុខហាងលក់គ្រឿងអគ្គិសនីទីតាំងលេខ១៤៨-១៥០Eo ផ្លូវលេខ១១០ ស្ថិតក្នុងសង្កាត់ផ្សារចាស់ ខណ្ឌដូនពេញ ទិញអីវ៉ាន់រួចឃើញបុរសម្នាក់ចូលក្នុងរថយន្ត ហើយបើកថយក្រោយយឺតៗ ស្រាប់តែមានម៉ូតូមួយគ្រឿងម៉ាកស៊ីរីនសា ពណ៌ខ្មៅ បើកដោយយុវជនម្នាក់ក្នុងល្បឿនបង្គួរមកបុកចំគូទរថយន្ត បណ្តាលឱ្យយុវជនរូបនោះផ្លោងត្រូវចំកញ្ចក់ផ្នែកខាងក្រោយបែកខ្ចាយម៉ដ្ឋខៃ ប្រកាច់ដេកដួលសន្លប់ស្តូកស្តឹងនៅលើផ្លូវ ហើយត្រូវបានប្រជាពលរដ្ឋនាំគ្នាជួយរឹតប្រហែល១៥នាទី ទើបដឹងខ្លួន រីឯម៉ូតូខូចខាតបន្តិចបន្តួចប៉ុណ្ណោះ ។
នគរបាលជំនាញបានឱ្យដឹងថា ក្រោយពីមានការសម្របសម្រួលពីសមត្ថកិច្ចភាគីខាងម្ចាស់រថយន្តដែលមានការយោគយល់ ព្រមមិនឱ្យភាគីខាងម៉ូតូសងការខូចខាតកញ្ចក់រថយន្តនោះទេ ចំណែកភាគីម៉ូតូដែលរងរបួសមិនជាធ្ងន់ធ្ងរក៏ឯកភាពបញ្ចប់រឿងនៅកន្លែងកើតហេតុផងដែរ៕
ចែករំលែកព័តមាននេះ