រាជធានីភ្នំពេញ ៖ បុរសម្នាក់បានស្លា.ប់យ៉ាងអាណោចអាធ័មនៅនឹងកន្លែង និងម្នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍រវាងម៉ូតូម៉ាក SL និងវ៉េវអីុត្រង់ចំណុចកែងផ្លូវលេខ១១៤ និង៥១ ស្ថិតនៅក្នុងសង្កាត់ផ្សារថ្មីទី១ ខណ្ឌដូនពេញ កាលពីវេលាម៉ោង១និង២៥នាទីរំលងអធ្រាត្រឈានចូលថ្ងៃទី២៤ កញ្ញា ២០១២ ។
រាជធានីភ្នំពេញ ៖ បុរសម្នាក់បានស្លាប់យ៉ាងអាណោចអាធ័មនៅនឹងកន្លែង និងម្នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍រវាងម៉ូតូម៉ាក SL និងវ៉េវអីុត្រង់ចំណុចកែងផ្លូវលេខ១១៤ និង៥១ ស្ថិតនៅក្នុងសង្កាត់ផ្សារថ្មីទី១ ខណ្ឌដូនពេញ កាលពីវេលាម៉ោង១និង២៥នាទីរំលងអធ្រាត្រឈានចូលថ្ងៃទី២៤ កញ្ញា ២០១២ ។
សាក្សីឱ្យសមត្ថកិច្ចដឹងថា នៅវេលាម៉ោងខាងលើ គាត់បានឮសំឡេងបុកគ្នាលាន់គ្រាំងត្រង់ចំណុចកែងផ្លូវលេខ១១៤ និង៥១ លុះពេលបើកទ្វារមើលក៏ឃើញម៉ូតូ២គ្រឿងដួលគរលើគ្នា ហើយមានបុរស២នាក់ និងស្ត្រី២នាក់ដេករដូករណែលលើថ្នល់ ។ ឃើញដូច្នេះគាត់បានចេញមកមើល និងរាយការណ៍ដល់សមត្ថកិច្ចមូលដ្ឋានចុះមកជួយសង្គ្រោះដល់ជនរងគ្រោះទាំង៤នាក់ ប៉ុន្តែអ្វីដែលគួរឱ្យសោកស្តាយនោះគឺបុរសម្ចាស់ម៉ូតូម៉ាកវ៉េវអីុ បានដួលបោកក្បាលទៅនឹងថ្នល់ ស្លាប់នៅនឹងកន្លែងតែម្តង ។ ចំណែកភាគីម៉ូតូ SL ដែលបើកដោយបុរសនោះក៏រងរបួសធ្ងន់ និងស្ត្រី២នាក់រួមដំណើរជាមួយរងរបួសស្រាលត្រូវបានរថយន្តសាមុយដឹកទៅកាន់មន្ទីរពេទ្យកាល់ម៉ែត ។
ម៉ូតូទាំង២គ្រឿងត្រូវបានយកទៅរក្សាទុកនៅការិយាល័យនគរបាលចរាចរផ្លូវគោកនៃស្នងការដ្ឋាននគរបាលរាជធានីភ្នំពេញ ឯសពបុរសឈ្មោះសៀម ចាន់សារ៉ា ប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ