រាជធានីភ្នំពេញ ៖ កាលពីព្រឹកថ្ងៃទី២១ ខែកញ្ញា ឆ្នាំ២០១២ សាកលវិទ្យាល័យអាស៊ីអឺរ៉ុប (AEU) បានរៀបចំបាឋកថាមួយស្ដីពី«ការសិក្សាជំនាញទំនាក់ទំនងអន្ដរជាតិ និងឱកាសការងាររបស់ជំនាញនេះនៅក្នុងបរិបទកម្ពុជា» ក្រោមអធិបតីភាពលោក ឈឿន សាវន សាកលវិទ្យាធិការរង តំណាងលោកឌួង លាង សាកលវិទ្យាធិការនៃសាកលវិទ្យាល័យ អាស៊ីអឺរ៉ុប និងវាគ្មិនចំនួន៣រូប រួម
រាជធានីភ្នំពេញ ៖ កាលពីព្រឹកថ្ងៃទី២១ ខែកញ្ញា ឆ្នាំ២០១២ សាកលវិទ្យាល័យអាស៊ីអឺរ៉ុប (AEU) បានរៀបចំបាឋកថាមួយស្ដីពី«ការសិក្សាជំនាញទំនាក់ទំនងអន្ដរជាតិ និងឱកាសការងាររបស់ជំនាញនេះនៅក្នុងបរិបទកម្ពុជា» ក្រោមអធិបតីភាពលោក ឈឿន សាវន សាកលវិទ្យាធិការរង តំណាងលោកឌួង លាង សាកលវិទ្យាធិការនៃសាកលវិទ្យាល័យ អាស៊ីអឺរ៉ុប និងវាគ្មិនចំនួន៣រូប រួមមានកញ្ញាចក់ សុភាព ដែលបញ្ចប់ការសិក្សាថ្នាក់អនុបណ្ឌិត ឯកទេសទំនាក់ទំនងអន្ដរជាតិ នៅសាកលវិទ្យាល័យអន្ដរជាតិជប៉ុន (IUJ) ហើយបច្ចុប្បន្នកញ្ញាគឺជានាយកកម្មវិធីរបស់មជ្ឈមណ្ឌលកម្ពុជាដើម្បីសិទ្ធិមនុស្ស (CCHR) ។
វាគ្មិនទី២លោក ជឺនបូរាណ ចន្ទបូរី ដែលបញ្ចប់ការសិក្សា អនុបណ្ឌិតផ្នែកការទូត និងសិក្សាអន្ដរជាតិនៅសាកលវិទ្យាល័យ Rangsit ប្រទេសថៃ និងវាគ្មិនទី៣ គឺបណ្ឌិតសាស្ដ្រាចារ្យJoe Matthews ឯកទេសអប់រំចិត្ដសាស្ដ្រនៅសហរដ្ឋអាមេរិក និងជាសាស្ដ្រាចារ្យនៃសាកលវិទ្យាល័យអាស៊ី អឺរ៉ុប ។
លោក ឈឿន សាវន បានមានប្រសាសន៍ថា អង្គសិក្ខាសាលាខាងលើនេះ ត្រូវបានរៀបចំឡើងក្នុងគោលដៅផ្សព្វផ្សាយដល់និស្សិត ក៏ដូចជាសាធារណជនទូទៅឱ្យបានយល់ច្បាស់ពីសារសំខាន់នៃការសិក្សាជំនាញខាងលើនេះ ជាពិសេស ដើម្បីឱ្យសិស្សានុសិស្សដែលទើបប្រឡងជាប់បាក់ឌុប និងបណ្ដានិស្សិតនានាធ្វើការជ្រើសរើសមុខជំនាញមួយដែលត្រឹមត្រូវ និងសមស្របតាមបរិបទដែលប្រទេសកម្ពុជាកំពុងតែធ្វើសមាហរណកម្មកាន់តែស៊ីជម្រៅនៅក្នុងសមាគមអាស៊ាន សហគមន៍អាស៊ីបូព៌ា អង្គការពាណិជ្ជកម្មពិភពលោក និងអង្គការសហប្រជាជាតិ។
ដើម្បីឆ្លើយតបនឹងស្ថានភាពជាក់ស្ដែងក្នុងឆ្នាំសិក្សាថ្មី ២០១២-២០១៣ សាកលវិទ្យាល័យ អាស៊ីអឺរ៉ុបបានបង្កើតជំនាញថ្មីចំនួន៣ទៀត រួមមានជំនាញទំនាក់ទំនងអន្ដរជាតិសិក្សាជាភាសាអង់គ្លេស ជំនាញអភិវឌ្ឍន៍សហគមន៍ និងជំនាញអក្សរសាស្ដ្រចិន ដែលមានសាស្ដ្រាចារ្យជាជនជាតិចិន មកពីប្រទេសចិន ឧបត្ថម្ភដោយរដ្ឋាភិបាលប្រទេសចិនផ្ទាល់តែម្ដង ។
អ្នកសម្របសម្រួលកម្មវិធី លោកឡេង ធារិទ្ធ ប្រធានដេប៉ាតឺម៉ង់ទំនាក់ទំនងអន្ដរជាតិ នៃសាកលវិទ្យាល័យអាស៊ីអឺរ៉ុបបានមានប្រសាសន៍ថា ចំណេះដឹងផ្នែកភាសាអង់គ្លេសមួយមុខវានឹងពុំអាចជួយយុវជនក្នុងការទទួលយកការងារមួយដែលសង្គមឱ្យតម្លៃខ្ពស់បានទេនាពេលបច្ចុប្បន្ន ដោយហេតុថានៅក្នុងបរិបទដែលប្រទេសកម្ពុជា កំពុងតែធ្វើសមាហរណកម្មស៊ីជម្រៅនៅក្នុងតំបន់ និងពិភពលោក ធនធានមនុស្សរបស់កម្ពុជា នឹងត្រូវធ្វើការប្រកួតប្រជែងយ៉ាងខ្លាំងក្លាជាមួយបណ្ដាប្រទេសដទៃទៀតក្នុងតំបន់ និងអន្ដរជាតិ ។ ដូច្នេះវាទាមទារឱ្យយុវជនខ្មែរ យើងមានសមត្ថភាពយល់ដឹងលើកិច្ចការទំនាក់ទំនងអន្ដរជាតិ ។ នាពេលបច្ចុប្បន្នសមត្ថភាពយុវជនខ្មែរនៅមានកម្រិត ឱកាសការងារនៅតាមបណ្ដាស្ថាប័នអន្ដរជាតិធំៗ ដូចជាអង្គការសហប្រជាជាតិ លេខាធិការដ្ឋានអាស៊ាន អង្គការជាតិ និងអន្ដរជាតិ និងបណ្ដាក្រុមហ៊ុនពហុជាតិសាសន៍នានានឹងធ្លាក់ចូលទៅក្នុងដៃរបស់ជាតិសាសន៍ដទៃទៀត ។ ផ្
ទុយទៅវិញ បើសិនជានិស្សិតកម្ពុជាមានសមត្ថភាពផ្នែកភាសាអង់គ្លេសគ្រប់គ្រាន់ ព្រមទាំងចំណេះដឹងលើកិច្ចការអន្ដរជាតិនានាយ៉ាងទូលំទូលាយនោះ ពួកគេនឹងអាចទទួលបានការងារដែលមានមុខមាត់ និងបៀរវត្សរ៍ខ្ពស់នៅពេលបញ្ចប់ការសិក្សារបស់ពួក
គេ ។
ចំណែកឯកញ្ញាចក់ សុភាព បានមានប្រសាសន៍ថា ជំនាញខាងលើនេះពិតជាធ្វើឱ្យជីវិតការងាររបស់នាងមានការវិវឌ្ឍទៅមុខយ៉ាងឆាប់រហ័ស ។ ជំនាញនេះបានធ្វើឱ្យកញ្ញាយល់ច្បាស់ពីបញ្ហាសិទ្ធិមនុស្សនានា ជាពិសេស មូលដ្ឋានគតិយុត្ដិនានាទាក់ទងនឹងបញ្ហាសិទ្ធិមនុស្សនៅជុំវិញពិភពលោក ដែលប្រការនេះញ៉ាំងឱ្យកញ្ញាធ្វើការវិភាគ និងផ្ដល់យោបល់ប្រកបដោយសុក្រឹតភាពដល់ថ្នាក់ដឹកនាំរបស់អង្គការ ។ លោកជឺនបូរាណ ចន្ទបូរី ក៏បានមាន ប្រសាសន៍ថា ការសិក្សាលើមុខជំនាញទំនាក់ទំនងអន្ដរជាតិបានជួយពង្រីកវិសាលភាពនៃចំណេះដឹងរបស់លោកលើកិច្ចការសេដ្ឋកិច្ច នយោបាយ និងច្បាប់អន្ដរជាតិ ដែលប្រការនេះធ្វើឱ្យលោកធ្វើការវិភាគ និងផ្ដល់អនុសាសន៍ ដល់ថ្នាក់ដឹកនាំក្រសួងការបរទេសប្រកបដោយភាពត្រឹមត្រូវ ។ អាស្រ័យហេតុនេះហើយ ទើបលោកតែងតែទទួលបានការទុកចិត្ដពីសំណាក់ថ្នាក់ដឹកនាំរបស់ក្រសួង ។
សិក្ខាសាលាខាងលើនេះបានប្រព្រឹត្ដទៅប្រកបដោយផ្លែផ្កាយ៉ាងត្រចះត្រចង់ ដោយប្អូនៗនិស្សិតទាំងអស់កាន់តែយល់ច្បាស់ពីសារសំខាន់នៃការសិក្សាលើមុខជំនាញសិក្សាថ្មីនេះ ហើយវាគ្មិន ក៏ដូចជាគណៈគ្រប់គ្រងសាកលវិទ្យាល័យទាំងមូលសង្ឃឹមយ៉ាងមុតមាំថា ប្អូនៗនិស្សិត ក៏ដូចជាយុវជនកម្ពុជាទាំងមូលនឹងធ្វើការជ្រើសរើសមុខជំនាញសិក្សាមួយឱ្យបានសមស្របទៅនឹងកាលៈទេសៈថ្មីមួយ ដែលប្រទេសកម្ពុជាកំពុងតែធ្វើសមាហរណកម្មទៅក្នុងតំបន់ និងពិភពលោក ៕
ចែករំលែកព័តមាននេះ