រាជធានីភ្នំពេញ ៖ គ្រោះថ្នាក់ចរាចរណ៍មួយបណ្តាលឱ្យមនុស្សប្រុសពីរនាក់ និងស្រីម្នាក់ រងរបួសធ្ងន់ធ្ងរ ខណៈអ្នកទាំងបីជិះម៉ូតូពីរគ្រឿងបុកគ្នានៅចំណុចមុខផ្ទះលេខ១២៣៣ តាមបណ្តោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ កាលពីវេលាម៉ោង៩និង៣០នាទីយប់ ថ្ងៃទី២២ កញ្ញា ។
រាជធានីភ្នំពេញ ៖ គ្រោះថ្នាក់ចរាចរណ៍មួយបណ្តាលឱ្យមនុស្សប្រុសពីរនាក់ និងស្រីម្នាក់ រងរបួសធ្ងន់ធ្ងរ ខណៈអ្នកទាំងបីជិះម៉ូតូពីរគ្រឿងបុកគ្នានៅចំណុចមុខផ្ទះលេខ១២៣៣ តាមបណ្តោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ កាលពីវេលាម៉ោង៩និង៣០នាទីយប់ ថ្ងៃទី២២ កញ្ញា ។
តាមប្រភពព័ត៌មានពីសាក្សីបានឱ្យដឹងថា មុនពេលកើតហេតុបុរសម្នាក់ជិះម៉ូតូមួយគ្រឿងម៉ាកស្មាស ពណ៌ខ្មៅឌុបស្រី្តម្នាក់តាមបណ្តាយផ្លូវជាតិលេខ២ ក្នុងទិសដៅពីត្បូងទៅជើងដោយជិះបញ្ច្រាសផ្លូវ លុះបត់មកដល់ចំណុចកើតហេតុបានឆ្លងផ្លូវ ។ ខណៈនោះស្រាប់តែមានបុរសម្នាក់ជិះម៉ូតូមួយគ្រឿងម៉ាកសេ១២៥ ពណ៌ខ្មៅ ស៊េរី ២០១២ ក្នុងល្បឿនលឿនក៏បុកជាមួយម៉ូតូស្មាសនោះពេញទំហឹង បណ្តាលឱ្យម៉ូតូខូចខាតយ៉ាងដំណំ ភាគីម៉ូតូទាំងបីនាក់ដួលបោករបួសធ្ងន់ត្រូវរថយន្តដឹកទៅសង្គ្រោះនៅមន្ទីរពេទ្យបង្អែកមានជ័យ ។
បន្ទាប់ពីកើតហេតុនគរបាលចរាចរ បានសហការជាមួយនគរបាលមូលដ្ឋានធ្វើការវាស់វែងរួចយកម៉ូតូទាំងពីរគ្រឿងទៅរក្សាទុកនៅអធិការដ្ឋាននគរបាលខណ្ឌមានជ័យ ដើម្បីដោះស្រាយតាមច្បាប់ ៕
ចែករំលែកព័តមាននេះ