រាជធានីភ្នំពេញ ៖ បុរសម្នាក់បានដេកសន្លប់ស្តូកស្តឹងម្នាក់ឯងនៅកណ្តាលផ្លូវ ខណៈស្រវឹងបើកម៉ូតូវីវ៉ាពណ៌ខ្មៅ ស៊េរី២០០៨ មួយគ្រឿងក្នុងល្បឿនលឿន និងរេចង្កូតពេញផ្លូវ រហូតដល់ថ្នាក់កាន់ចង្កូតម៉ូតូលែងជាប់ ដួលប្រាវបោកក្បាលទៅនឹងថ្នល់ កាលពីវេលាម៉ោង៤និង៥០នាទីរសៀលថ្ងៃទី២០ កញ្ញា ២០១២ តាមបណ្តោយផ្លូវលេខ២០០៤ សង្កាត់ទឹកថ្លា ខណ្ឌសែនសុខ ។
រាជធានីភ្នំពេញ ៖ បុរសម្នាក់បានដេកសន្លប់ស្តូកស្តឹងម្នាក់ឯងនៅកណ្តាលផ្លូវ ខណៈស្រវឹងបើកម៉ូតូវីវ៉ាពណ៌ខ្មៅ ស៊េរី២០០៨ មួយគ្រឿងក្នុងល្បឿនលឿន និងរេចង្កូតពេញផ្លូវ រហូតដល់ថ្នាក់កាន់ចង្កូតម៉ូតូលែងជាប់ ដួលប្រាវបោកក្បាលទៅនឹងថ្នល់ កាលពីវេលាម៉ោង៤និង៥០នាទីរសៀលថ្ងៃទី២០ កញ្ញា ២០១២ តាមបណ្តោយផ្លូវលេខ២០០៤ សង្កាត់ទឹកថ្លា ខណ្ឌសែនសុខ ។
បុរសរងគ្រោះឈ្មោះយីម ចំរើន អាយុ៣០ឆ្នាំ ជាអ្នករត់ម៉ូតូឌុប ស្នាក់នៅសង្កាត់ទឹកថ្លា ខណ្ឌសែនសុខ ។ ប្រភពឱ្យដឹងថា មុនពេលកើតហេតុម៉ូតូវីវ៉ា ពណ៌ខ្មៅ ស៊េរី២០០៨ បើកដោយបុរសស្រវឹងជោកជាំម្នាក់យ៉ាងលឿនតាមផ្លូវ២០០៤ ក្នុងទិសដៅពីលិចទៅកើត លុះមកដល់ចំណុចកើតហេតុក៏រេចង្កូតពេញផ្លូវ ដួលប្រាវទៅនឹងថ្នល់ដេកសន្លប់ស្តូកស្តឹងតែម្នាក់ឯងនៅកណ្តាលផ្លូវហើយត្រូវប្រជាពលរដ្ឋនៅក្បែរនោះឃើញក៏ជួយលើកជនរងគ្រោះមកដាក់ចិញ្ចើមថ្នល់ ដើម្បីធ្វើការសង្គ្រោះ។ ក្រោយពេលសង្គ្រោះបានប្រហែល១០នាទីបុរសស្រវឹងស្រានោះក៏ដឹងខ្លួនឡើងវិញ ហើយបន្តដំណើរទៅមុខទៀតបាត់ទៅ៕
ចែករំលែកព័តមាននេះ