រាជធានីភ្នំពេញ ៖ រថយន្តមិនស្គាល់ម៉ាក ពណ៌ស មួយគ្រឿង បើកបុកម៉ូតូអាយខន ពណ៌លឿងលាយខ្មៅ ជិះគ្នា២នាក់ ផ្លោងប្រមាណ២០ម៉ែត្របណ្តាលឱ្យម្នាក់ៗបាក់ជើងម្ខាង កាលពីវេលាម៉ោង១២និង១០នាទីរំលងអធ្រាត្រឈានចូលថ្ងៃទី២៣ កញ្ញា តាមមហាវិថីព្រះនរោត្តម ជាប់របងក្រសួងមហាផ្ទៃ ក្នុងសង្កាត់ទន្លេបាសាក់ ខណ្ឌចំការមន ។
រាជធានីភ្នំពេញ ៖ រថយន្តមិនស្គាល់ម៉ាក ពណ៌ស មួយគ្រឿង បើកបុកម៉ូតូអាយខន ពណ៌លឿងលាយខ្មៅ ជិះគ្នា២នាក់ ផ្លោងប្រមាណ២០ម៉ែត្របណ្តាលឱ្យម្នាក់ៗបាក់ជើងម្ខាង កាលពីវេលាម៉ោង១២និង១០នាទីរំលងអធ្រាត្រឈានចូលថ្ងៃទី២៣ កញ្ញា តាមមហាវិថីព្រះនរោត្តម ជាប់របងក្រសួងមហាផ្ទៃ ក្នុងសង្កាត់ទន្លេបាសាក់ ខណ្ឌចំការមន ។
សាក្សីនិយាយថា មុនពេលកើតហេតុម៉ូតូអាយខន ពណ៌លឿងលាយខ្មៅ ជិះគ្នា២នាក់ តាមបណ្តោយមហាវិថីព្រះនរោត្តម ពីជើងទៅត្បូង ចំណែករថយន្តមិនស្គាល់ម៉ាក ពណ៌ស មួយគ្រឿង បើកពីត្បូងទៅជើងបញ្រ្ចាសគ្នា ។ លុះមកដល់ចំណុចខាងលើម៉ូតូ អាយខនបត់ស្តាំចូលតាមផ្លូវរបងក្រសួងមហាផ្ទៃ ស្រាប់តែរថយន្តបោះពួយដូចហោះជ្រុលទៅបុកម៉ូតូពេញទំហឹងខ្ទាតប្រមាណ២០ម៉ែត្រ ធ្វើឲ្យអ្នកជិះម៉ូតូទាំងពីរនាក់ដួលបោកបាក់ជើងម្ខាងដូចគ្នា ។ ចំណែករថយន្តបន្ថែមល្បឿនគេចបាត់ស្រមោល ។
ជនរងគ្រោះទាំងពីរនាក់ឱ្យបានបញ្ជូនទៅព្យាបាលនៅមន្ទីរពេទ្យ ចំណែកម៉ូតូដែលរងការខូចខាតនោះត្រូវសមត្ថកិច្ចយកទៅរក្សាទុកនៅខណ្ឌចំការមន ៕
ចែករំលែកព័តមាននេះ