ស្ត្រីជាប្រពន្ធម្នាក់ និងស្ត្រីនៅផ្ទះក្បែរគ្នា ទៅប៉ុស្តិ៍ប៉ូលិសប្តឹងរឿងប្តីបាត់ខ្លួន៣ថ្ងៃហើយ ។ ស្ត្រីជាប្រពន្ធរៀបរាប់ភិនភាគប្តីឱ្យប៉ូលិសស្តាប់ ៖
– ប្តីខ្ញុំអាយុ៣៥ឆ្នាំ, ភ្នែកខ្មៅ សក់រួញអង្គាដី។ គាត់ចូលចិត្តហាត់ប្រាណធ្វើឱ្យរាងកាយមាំមួន និងមានភាពសង្ហាដូចតួកុន, សំឡេងនិយាយទន់ភ្លន់, ស្រឡាញ់កុមារតូចៗណាស់ ។
ពេលស្ត្រីនោះពណ៌នាពីភិនភាគប្តីខ្លួន ស្រ្តីអ្នកជិតខាងនេះតែងមើលមុខសម្តែងការងឿងឆ្ងល់យ៉ាងខ្លាំង, លុះចេញមកដល់ខាងក្រៅក៏សួរត្រង់ៗ ៖
– ប្តីបងឯងស្គមតេវរ៉េវ ហើយក្បាលទំពែកទៀត, ម៉េចប្រាប់ប៉ូលិសថារូបរាងមាំមួនសង្ហាដូចតួកុន ហើយសក់រួញអង្កាដី ?
– បងឯងនេះល្ងង់មែន, បើប្រាប់តាមរូបរាងពិតរបស់គេ ប៉ូលិសណាចាប់អារម្មណ៍ជួយរកឱ្យយើង ?
ចែករំលែកព័តមាននេះ