សារព័ត៌មានបរទេសកាលពីថ្ងៃទី២០ កញ្ញា ផ្សាយថា ព្រះរាជធីតាហាចា ហាហ្វ៊ីសាស៊ូរូរូល បូលកៀ ព្រះជន្ម៣២ព្រះវស្សា នៃព្រះមហាក្សត្រហាស់សាណាល បូលកៀ នៃរាជាណាចក្រព្រុយណេ បានរៀបអភិសេកជាមួយលោកផេនគីរ៉ាន ហាជី មូហាម៉ាត់រូសាយនី អាយុ២៩ឆ្នាំ ជាមន្ត្រីរាជការ ។
សារព័ត៌មានបរទេសកាលពីថ្ងៃទី២០ កញ្ញា ផ្សាយថា ព្រះរាជធីតាហាចា ហាហ្វ៊ីសាស៊ូរូរូល បូលកៀ ព្រះជន្ម៣២ព្រះវស្សា នៃព្រះមហាក្សត្រហាស់សាណាល បូលកៀ នៃរាជាណាចក្រព្រុយណេ បានរៀបអភិសេកជាមួយលោកផេនគីរ៉ាន ហាជី មូហាម៉ាត់រូសាយនី អាយុ២៩ឆ្នាំ ជាមន្ត្រីរាជការ ។
ពិធីរៀបអភិសេកនោះនឹងធ្វើឡើងរយៈពេលពេញមួយសប្តាហ៍ ប៉ុន្តែគ្មានពិធីដង្ហែនៅក្នុងរាជធានីទេ ។ ការប្រារព្ធពិធីដ៏អធិកអធមនឹងធ្វើឡើងនៅយប់ថ្ងៃអាទិត្យ ទី២៣ កញ្ញា ក្នុងព្រះរាជវាំង នៃរាជធានីបាន់ដាស៊េរី ហេហ្គាវ៉ាន ដោយមានសម្តេចស៊ុលតង់ ប្រទេសព្រុយណេជាព្រះរាជអធិបតី និងមានភ្ញៀវសំខាន់ៗជាសមាជិករាជវង្ស និងមេដឹកនាំបណ្តាប្រទេសអាស៊ានចូលរួម ប៉ុន្តែមិនបានបង្ហើបឱ្យដឹងពីព័ត៌មានលម្អិតឡើយ ។
ខុទ្ទកាល័យនាយករដ្ឋមន្ត្រីម៉ាឡេស៊ីបានឱ្យដឹងថា លោកណាជីប រ៉ាសាក់ នាយករដ្ឋមន្ត្រីនៃប្រទេសម៉ាឡេស៊ី នឹងចូលរួមនៅក្នុងពិធីរៀបអភិសេកនោះផងដែរ ។ ព្រះរាជធីតាហាហ្វ៊ីសា បានបញ្ចប់ការសិក្សាថ្នាក់បរិញ្ញាប័ត្រគ្រប់គ្រងជំនួញ និងជាព្រះរាជធីតាអង្គទី៥របស់សម្តេចស៊ុលតង់ ហាស់សាណាល់ បូលកៀ និងព្រះរាជិនីសាឡេហា ។ បច្ចុប្បន្នព្រះរាជធីតាហាហ្វ៊ីសា កាន់ការងារជាមន្ត្រីនៅក្រសួងហិរញ្ញវត្ថុ ។ចំណែកលោករូ សាយនី ជាស្វាមី ជាមន្ត្រីរាជការបម្រើការនៅខុទ្ទកាល័យនាយករដ្ឋមន្ត្រី ។
លោករូសាយនី និងព្រះរាជធីតាហាហ្វ៊ីសាបម្រើការងារក្រោមបង្គាប់បញ្ជារបស់ព្រះបិតាដែលជានាយករដ្ឋមន្ត្រី រដ្ឋមន្ត្រីហិរញ្ញវត្ថុ និងរដ្ឋមន្ត្រីក្រសួងការពារជាតិ ។យោងតាមការប្រកាសរបស់ក្រសួងការបរទេសកម្ពុជាកាលពីពេលថ្មីៗនេះបានឱ្យដឹងថា សម្តេចតេជោ ហ៊ុន សែន នាយករដ្ឋមន្ត្រីកម្ពុជាក៏បានកំណត់ពេលទៅចូលរួមក្នុងព្រះរាជពិធីរៀបអភិសេកនេះផងដែរ ៕
ចែករំលែកព័តមាននេះ