ក្រសួងព័ត៌មានស៊ីរីអះអាងកាលពីថ្ងៃទី២០ កញ្ញា ថា ការធ្លាក់ឧទ្ធម្ភាគចក្រយោធា១គ្រឿងគឺបណ្តាលមកពីគ្រោះថ្នាក់អាកាសក្រោយការប៉ះកន្ទុយយន្តហោះស៊ីវិលមួយគ្រឿងដែលកំពុងហោះហើរ ។ក្នុងសេចក្តីប្រកាសមួយក្រសួងនោះនិយាយថា យន្តហោះស៊ីវិលបានចុះចតដោយគ្មានបញ្ហា ហើយក៏ពុំមានអ្នកដំណើរណាម្នាក់ ត្រូវរបួសដែរ ។ ឧទ្ធម្ភាគចក្រប្រយុទ្ធនោះបានធ្លាក់នៅជិត
ក្រសួងព័ត៌មានស៊ីរីអះអាងកាលពីថ្ងៃទី២០ កញ្ញា ថា ការធ្លាក់ឧទ្ធម្ភាគចក្រយោធា១គ្រឿងគឺបណ្តាលមកពីគ្រោះថ្នាក់អាកាសក្រោយការប៉ះកន្ទុយយន្តហោះស៊ីវិលមួយគ្រឿងដែលកំពុងហោះហើរ ។ក្នុងសេចក្តីប្រកាសមួយក្រសួងនោះនិយាយថា យន្តហោះស៊ីវិលបានចុះចតដោយគ្មានបញ្ហា ហើយក៏ពុំមានអ្នកដំណើរណាម្នាក់ ត្រូវរបួសដែរ ។ ឧទ្ធម្ភាគចក្រប្រយុទ្ធនោះបានធ្លាក់នៅជិតឌូម៉ាជាយក្រុងដាម៉ាស់ ។
ម្យ៉ាងវិញទៀត អីុនធើរណេតស្និទ្ធរដ្ឋាភិបាលមួយរាយការណ៍ថា ពួកបះបោរប្រដាប់អាវុធបានបាញ់លើឧទ្ធម្ភាគចក្រនោះ ដោយកាំភ្លើងយន្តបាញ់បានឆ្ងាយដែលជំរុញអ្នកបើកបង្កើនកម្ពស់ ដើម្បីចៀសវាងការបាញ់ប្រហានេះ ដោយទើបទៅប៉ះកន្ទុយយន្តហោះស៊ីវិល រួចឧទ្ធម្ភាគចក្រនោះក៏ធ្លាក់ ។ អ្នកបើកព្រមទាំងមនុស្ស៣នាក់ទៀតស្ថិតក្នុងឧទ្ធម្ភាគចក្រនោះដែរបានត្រូវស្លាប់ ។
នាថ្ងៃទី២០ កញ្ញា នោះដែរទីភ្នាក់ងារព័ត៌មានជាតិស៊ីរី SANA រាយការណ៍ថា យុទ្ធជនអាហ្វហ្គានីស្ថានរវាង១០០ នាក់ត្រូវស្លាប់ក្នុងប្រតិបត្តិការមួយ របស់កងទ័ពស៊ីរីនៅទីក្រុងអាឡែបភាគខាងជើងប្រទេស ។
ចំណែកពួកប្រឆាំងស៊ីរីរាយការណ៍ថា មនុស្សយ៉ាងតិច៥៤នាក់បានត្រូវស្លាប់ហើយជាច្រើនសិបនាក់ទៀតត្រូវរបួសនាថ្ងៃទី២០ កញ្ញា ក្នុងការវាយប្រហាររបស់កងទ័ពអាកាសស៊ីរី លើស្ថានីយចាក់ប្រេងមួយនាភាគខាងជើងប្រទេសជាទីលាននៃការប៉ះទង្គិចគ្នា យ៉ាងសាហាវរវាងកងទ័ពនិងពួកឧទ្ធាម ។ អង្គការOSDH ស្និទ្ធពួកប្រឆាំងនិយាយថា ការវាយប្រហារតាមអាកាសនោះ កើតមានក្នុងខេត្តរ៉ាកាអាជាប់ព្រំដែនតួកគីជាកន្លែងដែលពួកឧទ្ទាមវាយដណ្តើមកាន់កាប់ប៉ុស្តិ៍ព្រំដែន១ទៀត ៕
ចែករំលែកព័តមាននេះ