តម្លៃប្រេងឆៅមានការធ្លាក់ចុះវិញខ្លាំងពុំធ្លាប់មានចាប់តាំងពី២ខែមកហើយ ព្រោះតែអារ៉ាប៊ីសាអូឌីត ជាប្រទេសផលិតប្រេងច្រើនជាងគេ បានលុបចោលកូតផលិតកម្មដែលញុំាងឱ្យសមាជិកមួយចំនួនក្នុងផ្ទៃអង្គការបណ្តាប្រទេសនាំប្រេងចេញហៅកាត់ថា OPEC មានការព្រួយបារម្ភ។ ប្រការនេះញុំាងឱ្យបណ្តាសហគ្រាសប្រេងមានការធូរស្បើយក្នុងចិត្ត ។ រយៈពេល៧ខែចុងក្រោយនេះ
តម្លៃប្រេងឆៅមានការធ្លាក់ចុះវិញខ្លាំងពុំធ្លាប់មានចាប់តាំងពី២ខែមកហើយ ព្រោះតែអារ៉ាប៊ីសាអូឌីត ជាប្រទេសផលិតប្រេងច្រើនជាងគេ បានលុបចោលកូតផលិតកម្មដែលញុំាងឱ្យសមាជិកមួយចំនួនក្នុងផ្ទៃអង្គការបណ្តាប្រទេសនាំប្រេងចេញហៅកាត់ថា OPEC មានការព្រួយបារម្ភ។ ប្រការនេះញុំាងឱ្យបណ្តាសហគ្រាសប្រេងមានការធូរស្បើយក្នុងចិត្ត ។ រយៈពេល៧ខែចុងក្រោយនេះ តម្លៃប្រេងឆៅកំណត់ដោយកុងត្រារបស់អូម៉ង់DME ធា្លក់ចុះ២%មកនៅត្រឹមប្រមាណ១១០ ដុល្លារក្នុង១ធុង ។
ការធ្លាក់ចុះវិញនៃតម្លៃប្រេងនេះ មានមូលហេតុ២ ។ មូលហេតុទី១ អ្នកវិនិយោគអន្តរជាតិមួយចំនួនសង្ស័យចំពោះឥទ្ធិពល វិជ្ជមានរបស់ផ្នែកស្តុកសហព័ន្ធអាមេរិកធ្វើការកែប្រែតម្លៃរូបិយវត្ថុសំដៅជំរុញសេដ្ឋកិច្ច ។ មូលហេតុទី២ប្រទេសអារា៉ប៊ីសាអូឌីតប្រកាសថាខ្លួននឹងបង្កើនផលិតកម្មប្រេងក្នុងស្រុកពី៩,៩លានទៅ១០លានធុងក្នុង១ថ្ងៃដែលតំណាងឱ្យការបង្កើនយ៉ាងខ្លាំងពុំធ្លាប់មានចាប់តាំងពី៣០ឆ្នាំមកហើយ ។
ចំណែកសមាជិកមួយចំនួនរបស់OPECក្នុងនោះមានអាល់ហ្សេរី អីុរ៉ង់ និងវេណេស៊ុយអេឡាបានប្រឆាំងចំពោះការបង្កើនផលិតកម្មប្រេង ព្រោះពួកគេត្រូវការប្រាក់ចំណូលច្រើន ពីប្រេងសម្រាប់ទប់ទល់នឹងបណ្តាការប្រឈមក្នុងសេដ្ឋកិច្ចជាតិរបស់ពួកគេ ៕
ចែករំលែកព័តមាននេះ