ក្រសួងការបរទេសបារាំងកាលពីថ្ងៃទី១៩ កញ្ញា អះអាងពីការសម្រេចចិត្តរបស់ខ្លួនបិទស្ថានទូតក្នុងប្រទេស២០នាថ្ងៃសុក្រ ទី២១ កញ្ញា ជាថ្ងៃសូត្រធម៌ធំប្រចាំសប្តាហ៍សម្រាប់អ្នកកាន់សាសនាអ៊ិស្លាម ដើម្បីចៀសវាងឧប្បត្តិហេតុនានា ។អ្នកនាំពាក្យក្រសួងការបរទេសបារាំងលោក PHILIPPE LALLIOT ក្នុងសន្និសីទ សារព័ត៌មានមួយគូសបញ្ជាក់ថា ដើម្បីជាការប្រុងប្រយ័ត្នយើងបាន
ក្រសួងការបរទេសបារាំងកាលពីថ្ងៃទី១៩ កញ្ញា អះអាងពីការសម្រេចចិត្តរបស់ខ្លួនបិទស្ថានទូតក្នុងប្រទេស២០នាថ្ងៃសុក្រ ទី២១ កញ្ញា ជាថ្ងៃសូត្រធម៌ធំប្រចាំសប្តាហ៍សម្រាប់អ្នកកាន់សាសនាអ៊ិស្លាម ដើម្បីចៀសវាងឧប្បត្តិហេតុនានា ។អ្នកនាំពាក្យក្រសួងការបរទេសបារាំងលោក PHILIPPE LALLIOT ក្នុងសន្និសីទ សារព័ត៌មានមួយគូសបញ្ជាក់ថា ដើម្បីជាការប្រុងប្រយ័ត្នយើងបានសម្រេចបិទនាថ្ងៃទី២១ កញ្ញា នោះ នូវទ្វារស្ថានទូត ស្ថានកុងស៊ុល មជ្ឈមណ្ឌលវប្បធម៌ សាលារៀន ក្នុងប្រទេសចំនួន២០ ។
រដ្ឋមន្ត្រីការបរទេសបារាំង លោក ឡូរ៉ង់ ហ្វាប៊ីអូស ក៏បានប្រកាសនាព្រឹកថ្ងៃទី១៩ កញ្ញា ដែរ ពីការពង្រឹងសន្តិសុខនៅបណ្តាស្ថានបេសកកម្មការទូតបារាំងក្នុងពិភពអ៊ិស្លាម ដោយលោកបញ្ជាក់ថា បានបញ្ជូនការណែនាំនានាក្នុងន័យនេះក្នុងគ្រប់ប្រទេសដែលការផ្សាយរូបថ្លុករបស់ព្រះមហាម៉ាត់អាចមានបញ្ហាចោទនានា ។ លោកហ្វាប៊ីអូសក៏សម្តែងផងដែរពីការមិនយល់ស្របចំពោះការសម្រេចចិត្តរបស់កាសែត CHARLIE HEBDO ផ្សាយរូបថ្លុកទាំងនោះដែលអាចជាការយកប្រេងទៅចាក់លើភ្លើង ។
បារាំងខ្លាចការចេញផ្សាយដោយកាសែតនេះនូវរូបថ្លុកព្រះមហាម៉ាត់ញ៉ាំងឱ្យមានប្រតិកម្មនានាដូចប្រតិកម្មចំពោះខ្សែភាពយន្តប្រឆាំងអ៊ិស្លាមមួយដែលផលិតនៅអាមេរិក ៕
ចែករំលែកព័តមាននេះ