ខេត្តព្រះសីហនុ ៖ បុរសជនជាតិបរទេសម្នាក់បានស្លា.ប់បាត់បង់ជីវិត កាលពី វេលាម៉ោងប្រមាណ៤ទៀបភ្លឺថ្ងៃទី២០ កញ្ញា នៅចំណុចមុខក្រុមហ៊ុនមិត្តហ្វូន ស្ថិតក្នុងភូមិ៤ សង្កាត់៤ ក្រុងព្រះសីហនុ ដោយសារជិះម៉ូតូបុករបាំងថ្មចែកផ្លូវបង្កឡើយដោយខ្លួនឯង ។
ខេត្តព្រះសីហនុ ៖ បុរសជនជាតិបរទេសម្នាក់បានស្លាប់បាត់បង់ជីវិត កាលពី វេលាម៉ោងប្រមាណ៤ទៀបភ្លឺថ្ងៃទី២០ កញ្ញា នៅចំណុចមុខក្រុមហ៊ុនមិត្តហ្វូន ស្ថិតក្នុងភូមិ៤ សង្កាត់៤ ក្រុងព្រះសីហនុ ដោយសារជិះម៉ូតូូបុករបាំងថ្មចែកផ្លូវបង្កឡើយដោយខ្លួនឯង ។
លោកវរសេនីយ៍ទោព្រហ្ម ពៅ នាយការិយាល័យចរាចរណ៍ខេត្តព្រះសីហនុបានឱ្យដឹងថា ជនរងគ្រោះឈ្មោះ WAVZNER KASPER ZOKEM ជនជាតិស្វិស អាយុ៣៩ឆ្នាំជិះម៉ូតូអ៊ែរប្លែតពណ៌ក្រហម ជាកម្មសិទ្ធរបស់ឈ្មោះយី សេងកេង មានទីលំនៅភូមិកំពង់ស្វាយក្រោម ឃុំព្រែកថ្មី ស្រុកកោះធំ ខេត្តកណ្តាល បានជិះទៅបុករបាំងថ្មចែកផ្លូវ កាលពីវេលាម៉ោងប្រមាណ៤ទៀបភ្លឺថ្ងៃទី២០ កញ្ញា នៅចំណុចមុខក្រុមហ៊ុនមិត្តហ្វូន ស្ថិតក្នុងភូមិ៤ សង្កាត់៤ ក្រុងព្រះសីហនុ ។
លោកបន្តថា ឧប្បត្តិហេតុនេះកើតមានខណៈជនរងគ្រោះជិះម៉ូតូចេញពីកន្លែងផឹកស៊ីមួយកន្លែងនៅផ្តុំឆ្នេរអូឈើទាល បើកបរក្នុងទិសដៅពីលិចទៅកើត(ពីរង្វង់មូលតោ២មកផ្សារលើក្រុងព្រះសីហនុ)រហូតមកដល់ចំណុចកើតហេតុក៏បានបុករបាំងថ្មចែកផ្លូវបោកក្បាលស្លាប់តែម្តង ។
យោងតាមសាក្សីនៅក្បែរកន្លែងកើតហេតុបាននិយាយថា គ្រោះថា្នក់នេះពុំមាននរណាម្នាក់បានឃើញផ្ទាល់ភ្នែកទេ តែក្រោយពេលកើតហេតុគេបានឃើញស្ត្រីម្នាក់អង្គុយយំនៅក្បែរសពបុរសនោះ រួចបានគេចខ្លួនបាត់តែម្តង បន្ទាប់ពីដឹងថាជនបរទេសនោះស្លាប់ ។បច្ចុប្បន្នសពត្រូវបានសមត្ថកិច្ចយកទៅតម្កល់ទុកនៅវត្តក្រោមរង់ចាំប្រគល់ជូនស្ថានទូតដើម្បីធ្វើការចាត់ចែងបន្ត ៕
ចែករំលែកព័តមាននេះ