រាជធានីភ្នំពេញ ៖ រថយន្តកូរ៉េចំណុះមួយតោនកន្លះដឹកទឹកកកអនាម័យបើកលើផ្លូវបញ្ច្រាសបួងចង្កូតទៅបុករនាំងដែកចែកផ្លូវបាក់អស់៦ផ្ទាំងនៅមុខហាងYAMAHA I MUSIC ទល់មុខសាកលវិទ្យាល័យភូមិន្ទភ្នំពេញ តាមមហាវិថីសហព័ន្ធរុស្ស៊ី ស្ថិតក្នុងសង្កាត់ទឹកល្អក់ទី១ ខណ្ឌទួលគោក កាលពីវេលាម៉ោង៣និង៥០នាទីទៀបភ្លឺថ្ងៃទី២០ កញ្ញា ។
រាជធានីភ្នំពេញ ៖ រថយន្តកូរ៉េចំណុះមួយតោនកន្លះដឹកទឹកកកអនាម័យបើកលើផ្លូវបញ្ច្រាសបួងចង្កូតទៅបុករនាំងដែកចែកផ្លូវបាក់អស់៦ផ្ទាំងនៅមុខហាងYAMAHA I MUSIC ទល់មុខសាកលវិទ្យាល័យភូមិន្ទភ្នំពេញ តាមមហាវិថីសហព័ន្ធរុស្ស៊ី ស្ថិតក្នុងសង្កាត់ទឹកល្អក់ទី១ ខណ្ឌទួលគោក កាលពីវេលាម៉ោង៣និង៥០នាទីទៀបភ្លឺថ្ងៃទី២០ កញ្ញា ។
ប្រភពព័ត៌មានពីប៉ូលិសប្រចាំគោលដៅស្តុបអំបាសាឌ័របានឱ្យដឹងថា មុនពេលកើតហេតុរថយន្តដឹកទឹកកកអនាម័យ បើកបរតាមវិថីសេនាប្រមុខគឹមអីុលស៊ុង ពីជើងទៅត្បូង ខណៈមកដល់ស្តុប រថយន្តបត់ស្តាំជិះទៅលើផ្លូវបញ្ច្រាសខាងឆ្វេងដៃហើយបួងចង្កូតទៅស្តាំទំនងជាងោកផង បានជ្រុលទៅបុករនាំងដែកបាក់អស់៦ផ្ទាំង ។ ក្រោយពេលកើតហេតុអ្នកបើករថយន្តបានរត់គេចខ្លួនបាត់បន្សល់ទុករថយន្តដែលរងការខូចខាតតិចតួចនៅកន្លែងកើតហេតុ ។
ប្រភពដដែលបន្តទៀតថា បន្ទាប់ពីកើតហេតុតំណាងក្រុមហ៊ុនបានយករថយន្តមួយគ្រឿងទៀតមកសេងទឹកកកចេញ ហើយប៉ូលិសនៅគោលដៅស្តុបបានរាយការណ៍ទៅប៉ូលិសចរាចរក្រុងចុះអន្តរាគមន៍នាំយករថយន្តបង្កទៅសាលារាជធានីភ្នំពេញ ដើម្បីសងការខូចខាតសម្បត្តិសាធារណៈ ៕
ចែករំលែកព័តមាននេះ