រាជធានីភ្នំពេញ ៖ ការប្រឡងអាហារូបករណ៍ប្រចាំឆ្នាំ២០១២របស់សាកលវិទ្យាល័យមេគង្គកម្ពុជា បានប្រារព្ធធ្វើឡើងនៅថ្ងៃទី១៦ កញ្ញា ២០១២ មករហូតដល់៣មណ្ឌលប្រឡង គឺមណ្ឌលសាកលវិទ្យាល័យមេគង្គកម្ពុជា មណ្ឌលសាលាបឋមសិក្សាអនុវត្តន៍រាជធានី និងមណ្ឌលវិទ្យាល័យជាស៊ីមសាមគ្គី ដែលមានបេក្ខជនដាក់ពាក្យសុំប្រឡងចំនួន២.៣៧៥នាក់ ហើយជ្រើសរើសយកនិស្សិត
រាជធានីភ្នំពេញ ៖ ការប្រឡងអាហារូបករណ៍ប្រចាំឆ្នាំ២០១២របស់សាកលវិទ្យាល័យមេគង្គកម្ពុជា បានប្រារព្ធធ្វើឡើងនៅថ្ងៃទី១៦ កញ្ញា ២០១២ មករហូតដល់៣មណ្ឌលប្រឡង គឺមណ្ឌលសាកលវិទ្យាល័យមេគង្គកម្ពុជា មណ្ឌលសាលាបឋមសិក្សាអនុវត្តន៍រាជធានី និងមណ្ឌលវិទ្យាល័យជាស៊ីមសាមគ្គី ដែលមានបេក្ខជនដាក់ពាក្យសុំប្រឡងចំនួន២.៣៧៥នាក់ ហើយជ្រើសរើសយកនិស្សិត១.០០០នាក់ ដែលមានប្រភេទអាហារូបករណ៍៥០% ៧០% និង១០០% ។
លោក បាន ថេរ៉ូ សាកលវិទ្យាធិការរងនៃសាកលវិទ្យាល័យមេគង្គកម្ពុជា មានប្រសាសន៍ថា នេះជាលើកទី ១០នៃការប្រឡងអាហារូបករណ៍ប្រចាំឆ្នាំរបស់សាកលវិទ្យាល័យមេគង្គកម្ពុជា ។ ការប្រឡងនេះ ក៏មានចូលរួមត្រួតពិនិត្យពីមន្រ្តីក្រសួងអប់រំយុវជននិងកីឡា និងមន្រ្តីមកពីមន្ទីរអប់រំយុវជននិងកីឡារាជធានីភ្នំពេញផងដែរ ។ ដោយមានការគាំទ្រនិងឱ្យតម្លៃពីមហាជន សិស្ស និស្សិត អាណាព្យាបាល អង្គការ ស្ថាប័ន ក្រុមហ៊ុនជាតិ និងអន្តរជាតិ ធ្វើឱ្យសាកលវិទ្យាល័យមេគង្គកម្ពុជា ទទួលបានភាពជោគជ័យក្នុងការបណ្តុះបណ្តាលធនធានមនុស្ស ហើយថែមទាំងធ្វើឱ្យមានការសម្រេចចិត្តត្រឹមត្រូវរបស់និស្សិត មានអនាគតល្អប្រសើរ ។
ផ្អែកលើសមិទ្ធផលប្រកបដោយកិត្យានុភាពខ្ពស់ទាំងគុណភាព និងវិន័យ និងសេវាកម្មល្អនេះ ធ្វើឱ្យសាកលវិទ្យាល័យមេគង្គកម្ពុជាកាន់តែមានកម្លាំងធនធាន និងសក្តានុពលរឹងមាំឡើងក្នុងការបំពេញបាននូវបេសកកម្មក្នុងការបណ្តុះបណ្តាលធនធានមនុស្ស សម្រាប់តម្រូវការទីផ្សារការងារជាតិនិងអន្តរជាតិ ។លោកបានបន្តថា ដើម្បីសម្រេចបានបេសកកម្មនេះ សាកលវិទ្យាល័យមេគង្គកម្ពុជាបានក្លាយជាកន្លែងប្រមូលផ្តុំធនធាននិងសក្តានុពលល្អៗពីគ្រប់មជ្ឈដ្ឋាន ជាពិសេសអ្នកសិក្សាដែលមានបំណងចង់បានគុណភាពពិតប្រាកដ ហើយយើងតែងតែធ្វើការប្រឡងជ្រើសរើសនិស្សិតអាហារូបករណ៍ប្រចាំឆ្នាំ និងធ្វើសកម្មភាពជាច្រើនដើម្បីឱ្យមានគុណភាពពិតប្រាកដ ។
អាហា រូបករណ៍នេះមានគោលបំណងជាសំខាន់ គឺដើម្បីជួយសម្រួលឱ្យនិស្សិតខ្មែរមានឱកាសនិងក្តីសង្ឃឹមច្រើន បានចូលរៀនកម្រិតឧត្តមសិក្សា និងបង្កើតបរិយាកាសឱ្យមានជម្រើសល្អសម្រាប់ការសិក្សារៀនសូត្រដើម្បីគុណភាព ហើយនិងមានការប្រកួតប្រជែងពេញលេញក្នុងការអភិវឌ្ឍសក្តានុពលដែលពួកគេមាន ពិសេសបណ្តុះស្មារតីនិងមនសិការឱ្យក្លាយជាអ្នកយកចិត្តទុកដាក់ពីតម្លៃនៃការអប់រំបន្តពីសាកលវិទ្យាល័យមេគង្គកម្ពុជាដើម្បីគុណប្រយោជន៍វិស័យអប់រំទាំងមូលនៅកម្ពុជា ។គួរបញ្ជាក់ផងដែរថា សាកលវិទ្យាល័យមេគង្គកម្ពុជា ជាសាកលវិទ្យាល័យឯកជនដំបូងដែលបានផ្តល់អាហារូបករណ៍ថ្នាក់ជាតិសម្រាប់ថ្នាក់ឧត្តមសិក្សាដល់ក្រសួងអប់រំយុវជន និងកីឡា ដើម្បីរួមចំណែកជាមួួយរាជរដ្ឋាភិបាលក្នុងការអភិវឌ្ឍសេដ្ឋកិច្ចនិងធនធានមនុស្សនៅកម្ពុជា ស្របតាមយុទ្ធសាស្រ្តចតុកោណរបស់រាជរដ្ឋាភិបាលក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន៕
ចែករំលែកព័តមាននេះ