រាជធានីភ្នំពេញ ៖ ក្រុមចោរឆក់ចំនួន២នាក់បានបង្ខំចិត្តផ្តួលម៉ូតូចោលរត់គេចខ្លួន បន្ទាប់ពីធ្វើសកម្មភាពឆក់ខ្សែ.កប្លាទីនប្រមាណ៣ជីពីស្ត្រីជាកម្មការិនីម្នាក់បានសម្រេច ហើយត្រូវម្ចាស់ និងកម្លាំងកងរាជអាវុធហត្ថខណ្ឌឫស្សីកែវ ដេញចាប់ខ្លួន ប៉ុន្តែចាប់បានតែម៉ូតូម៉ាកឌ្រីមសេ១២៥ ស៊េរី២០០៧ ពណ៌ខ្មៅ មួយគ្រឿងប៉ុណ្ណោះ នៅតាមផ្លូវរទេះភ្លើងក្នុងភូមិមិត្តភាព សង្កាត់ឫស្សីកែវ ។
ការដេញបង្ក្រាបចោរឆក់នេះបង្កឱ្យមានការភ្ញាក់ផ្អើលកាលពីវេលាម៉ោង៨និង២០នាទីយប់ថ្ងៃទី១៧ កញ្ញា ២០១២ នៅតាមផ្លូវជាតិលេខ៥ ភូមិសាមគ្គី សង្កាត់ឫស្សីកែវ ខណ្ឌឫស្សីកេវ ។ នៅក្នុងហេតុការណ៍នេះដែរ ស្ត្រីម្នាក់ឈ្មោះឯម សុគន្ធា អាយុ១៩ឆ្នាំ ជាកម្មការិនីរោងចក្រកាត់ដេរដែលទើបមកពីប្រទេសម៉ាឡេស៊ី ជាម្ចាស់ខ្សែ.កមានលំនៅភូមិសំបួរ ឃុំសំបួរ ស្រុកស្វាយទាប ខេត្តស្វាយរៀង រងរបួសរលាត់ដៃជើង ដោយសារតែជួបគ្រោះថ្នាក់ចរាចរណ៍បុកជាមួយម៉ូតូមួយគ្រឿងដែលធ្វើដំណើរតាមដងផ្លូវ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ