រាជធានីភ្នំពេញ ៖ ក្មេងទំនើងមួយក្រុមមានគ្នា៦នាក់ជិះម៉ូតូ២គ្រឿងប្រដាប់ដោយដាវសាំមូរ៉ៃគ្រប់ដៃដេញតាមវាយជនមួយក្រុមទៀត ស្របពេលនោះមានយុវជន២នាក់ជិះម៉ូតូត្រឡប់មកពីដើរលេងនៅទីក្រុងកោះពេជ្រឃើញហេតុការណ៍ក៏សម្លឹងមើលមុខក្រុមទំនើងទាំងនោះធ្វើឱ្យពួកគេខឹងដេញតាមវាយរងរបួសធ្ងន់ទាំង២នាក់តែម្តង។
រាជធានីភ្នំពេញ ៖ ក្មេងទំនើងមួយក្រុមមានគ្នា៦នាក់ជិះម៉ូតូ២គ្រឿងប្រដាប់ដោយដាវសាំមូរ៉ៃគ្រប់ដៃដេញតាមវាយជនមួយក្រុមទៀត ស្របពេលនោះមានយុវជន២នាក់ជិះម៉ូតូត្រឡប់មកពីដើរលេងនៅទីក្រុងកោះពេជ្រឃើញហេតុការណ៍ក៏សម្លឹងមើលមុខក្រុមទំនើងទាំងនោះធ្វើឱ្យពួកគេខឹងដេញតាមវាយរងរបួសធ្ងន់ទាំង២នាក់តែម្តង។
ហេតុការណ៍នេះកើតឡើងកាលពីវេលាម៉ោង៧និង៤០នាទីយប់ថ្ងៃទី១៦ កញ្ញា តាមផ្លូវលេខ២១៤ មុខហាងឡាក់គីម៉ាស្សា ក្នុងសង្កាត់បឹងរាំង ខណ្ឌដូនពេញ ។ ជនរងគ្រោះបើកម៉ូតូឌ្រីមសេ១២៥ ពណ៌ខ្មៅ ឈ្មោះជា ឌីណា ភេទប្រុស អាយុ១៩ឆ្នាំ ស្នាក់នៅសង្កាត់បឹងទំពុន ខណ្ឌមានជ័យ ត្រូវ២ដាវសាំមូរ៉ៃ រងរបួសដៃឆ្វេង និងខ្នង ចំណែកអ្នករួមដំណើរជាមួយឈ្មោះគ្រឿន ភារម្យ ភេទប្រុស អាយុ២២ឆ្នាំ ស្នាក់នៅសង្កាត់និរោធ ខណ្ឌមានជ័យ រងរបួសជើងខាងស្តាំត្រូវ២ដាវសាំមូរ៉ៃ ត្រូវបានបញ្ជូនទៅព្យាបាលនៅគ្លីនិកឯកជន ឯម៉ូតូរបស់ជនរងគ្រោះត្រូវសមត្ថកិច្ចយកទៅរក្សាទុកនៅប៉ុស្តិ៍រដ្ឋបាលសង្កាត់បឹងរាំង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ