រាជធានីភ្នំពេញ ៖ ម៉ូតូ SLឌុបនារី២នាក់ចេញពីធ្វើការត្រឡប់ទៅផ្ទះវិញបានទាក់ដៃចង្កូតជាមួយម៉ូតូសេ១២៥ បណ្តាលឲ្យដួលគរលើគ្នារងរបួសធ្ងន់៤នាក់ ស្រី២នាក់ ប្រុស២នាក់នៅចំណុចមហាវិថីព្រះសីហនុកែងវិថីត្រសក់ផ្អែម ក្នុងសង្កាត់ចតុមុខ ខណ្ឌដូនពេញ កាលពីវេលាម៉ោង១១និង១៥នាទីយប់ថ្ងៃទី១៦ កញ្ញា ។
រាជធានីភ្នំពេញ ៖ ម៉ូតូ SLឌុបនារី២នាក់ចេញពីធ្វើការត្រឡប់ទៅផ្ទះវិញបានទាក់ដៃចង្កូតជាមួយម៉ូតូសេ១២៥ បណ្តាលឲ្យដួលគរលើគ្នារងរបួសធ្ងន់៤នាក់ ស្រី២នាក់ ប្រុស២នាក់នៅចំណុចមហាវិថីព្រះសីហនុកែងវិថីត្រសក់ផ្អែម ក្នុងសង្កាត់ចតុមុខ ខណ្ឌដូនពេញ កាលពីវេលាម៉ោង១១និង១៥នាទីយប់ថ្ងៃទី១៦ កញ្ញា ។
អ្នកអង្គុយពីក្រោយម៉ូតូសេ១២៥ ពណ៌ខ្មៅ ដែលមិនមានរងរបួសឈ្មោះសេង សុធា ភេទប្រុស អាយុ២៥ឆ្នាំ ស្នាក់នៅសង្កាត់វាលវង់ ខណ្ឌ៧មករា បានឲ្យដឹងថា មុនពេលកើតហេតុរូបគេជិះម៉ូតូរួមដំណើរជាមួយឈ្មោះប៉ែន វណ្ណដា ភេទប្រុស អាយុ២០ឆ្នាំ តាមមហាវិថីព្រះសីហនុពីកើតទៅលិច ស្របទិសគ្នាជាមួយម៉ូតូ SL ពណ៌ទឹកប្រាក់ជិះគ្នា៣នាក់ ស្រី២នាក់ ប្រុសម្នាក់ ខណៈមកដល់ចំណុចផ្លូវកែងម៉ូតូ SLបត់ស្តាំហើយបានទាក់ដៃចង្កូតគ្នាបណ្តាលឲ្យដួលគរលើគ្នារងរបួសធ្ងន់៤នាក់ ប្រុស២នាក់ ស្រី២នាក់ ចំណែកខ្លួនអត់របួសទេ។
អ្នកបើកម៉ូតូ SL ឈ្មោះថា អាយុ២៨ឆ្នាំ ធ្វើការនៅក្នុងភោជនីយដ្ឋានរបួសធ្ងន់ ជិះម៉ូតូឌុបស្ត្រី២នាក់ឈ្មោះនិមល អាយុ២០ឆ្នាំ និងម្នាក់ទៀតឈ្មោះកា អាយុ១៩ឆ្នាំ អ្នកទាំងពីររបួសធ្ងន់ធ្វើការជាមួយគ្នា ស្នាក់នៅជិតផ្សារស៊ីលឹប ក្នុងសង្កាត់ចតុមុខ ខណ្ឌដូនពេញ។បើតាមថៅកែភោជនីយដ្ឋានដែលមិនបញ្ចេញឈ្មោះបានចុះទៅជួយអន្តរាគមន៍នៅកន្លែងកើតហេតុបានឲ្យដឹងថា ពេលចប់ម៉ោងធ្វើការឈ្មោះថាបានជូននារីទាំង២នាក់ត្រឡប់ទៅកន្លែងស្នាក់នៅវិញ ខណៈមកដល់ចំណុចខាងលើជួបគ្រោះថ្នាក់ចរាចរណ៍តែម្តង ។
អ្នករបួសធ្ងន់ទាំង៤នាក់ត្រូវបានបញ្ជូនទៅព្យាបាលនៅមន្ទីរពេទ្យកាល់ម៉ែត ចំណែកម៉ូតូ ទាំងពីរគ្រឿងខូចខាតផ្នែកខាងមុខត្រូវបានសមត្ថកិច្ចយកទៅរក្សាទុកនៅខណ្ឌដូនពេញ ៕
ចែករំលែកព័តមាននេះ