ខេត្តស្វាយរៀង ៖ មានករណីគ្រោះថ្នាក់យ៉ាងរន្ធត់ បង្កឲ្យស្ត្រីម្នាក់ស្លាប់ភ្លាមៗមួយរំពេច ខណៈស្ត្រីរងគ្រោះកំពុងរៀបចំបាយម្ហូបឲ្យប្តី និងហូបត្រូវរថយន្តបុកផ្ទប់ជាប់និងជញ្ជាំងស្លាប់ចោលកូននិងប្តី នណាមិនស្លុត ។ ករណីនេះ បានកើតឡើងនៅវេលាម៉ោង១១…
ខេត្តស្វាយរៀង ៖ មានករណីគ្រោះថ្នាក់យ៉ាងរន្ធត់ បង្កឲ្យស្ត្រីម្នាក់ស្លាប់ភ្លាមៗមួយរំពេច ខណៈស្ត្រីរងគ្រោះកំពុងរៀបចំបាយម្ហូបឲ្យប្តី និងហូបត្រូវរថយន្តបុកផ្ទប់ជាប់និងជញ្ជាំងស្លាប់ចោលកូននិងប្តី នណាមិនស្លុត ។
ករណីនេះ បានកើតឡើងនៅវេលាម៉ោង១១ និង៤៥នាទីថ្ងៃត្រង់ថ្ងៃទី១៣ មិថុនា ២០២៥ នៅចំណុចយានដ្ឋានជួសជុលរថយន្តយីហោ «ជាងពៅ» ស្ថិតនៅភូមិថ្មី សង្កាត់សង្ឃ័រ ក្រុងស្វាយ
រៀង ។
បើតាមសមត្ថកិច្ចបានឲ្យដឹងថា មុនពេលកើតហេតុ មានគេយករថយន្ត១គ្រឿង ម៉ាកហាយឡែន
ឌ័រមកឲ្យជួសជុលនៅយានដ្ឋានខាងលើ ខណៈជួសជុលរួចមេជាង ដែលជាម្ចាស់យានដ្ឋាន បានប្រើឱ្យក្មួយដែលជាកូនជាងឡើងបើករថយន្តរ៉ឺយែរថយក្រោយចុះពីលើប៉ុង ប្រគល់ឲ្យម្ចាស់គេ ខណៈនោះកូនជាងឡើងបើករថយន្តរ៉ឺយែរថយ ក៏ប៉ុន្តែបែរជាច្រឡំដាក់លេខទៅមុខ រួចជាន់ហ្គែរ រថយន្តក៏ទៅមុខទំនងស្លន់មិនជាន់ហ្វ្រាំង បែរជាជាន់ហ្គែរថែមហោះចុះពីលើប៉ុង ទៅបុកស្ត្រីរងគ្រោះដែលជាប្រពន្ធមេជាង និងជាមីងពេញទំហឹងផ្ទប់ជាប់និងជញ្ជាំង បណ្តាលឲ្យស្លាប់ភ្លាមៗ បង្កឲ្យមានការភ្ញាក់ផ្អើលយ៉ាងខ្លាំង ។
ប្រភពបានបញ្ជាក់ថា យានដ្ឋាននេះ នៅជិតមណ្ឌលសុខភាពសង្ឃ័រ និងនៅជិតសាលាសង្កាត់និងប៉ុស្ត៍រដ្ឋបាលសង្កាត់សង្ឃ័រនេះ ក្រោយពីករណីដ៏រន្ធត់ភ្លាម អ្នកជិតខាងក៏បាននាំគ្នារុញរថយន្តថយក្រោយ រួមទាំងក្រុមគ្រូពេទ្យនិងសមត្ថកិច្ចបានមកដល់កន្លែងកើតហេតុភ្លាមៗដែរ និងបានពិនិត្យឃើញថា ស្ត្រីរងគ្រោះបានស្លាប់បាត់បង់ជីវិតទៅហើយ សមត្ថកិច្ចបានលើកសពស្ត្រីរងគ្រោះឡើងរួចលើកដាក់លើរថយន្តសាមុយមណ្ឌល់សុខភាពសង្ឃ័រដឹកបញ្ជូនទៅផ្ទះដើម្បីធ្វើបុណ្យតាមប្រពៃណី។
ប្រភពបានបន្តថា សមត្ថកិច្ចបានធ្វើកំណត់ហេតុ និងហៅអ្នកបើករថយន្តបុកស្ត្រីរងគ្រោះស្លាប់ទៅសាកសួរនៅអធិការដ្ឋាននគបាលក្រុងស្វាយរៀង។ សមត្ថកិច្ចបានលើកឡើងថា នេះមកពីការធ្វេសប្រហែសរបស់មេជាងម្ចាស់យានដ្ឋាន ប្រើឲ្យកូនជាង ដែលគ្មានបណ្ណ័បើកបរ ឡើងបើករថយន្តទើបជួបគ្រោះថ្នាក់បែបនេះ។
ចំណែកមេជាងដែលជាស្វាមីស្ត្រីរងគ្រោះមិនដាក់ពាក្យប្តឹងកូនជាងទេ ដោយកូនជាងគឺជាក្មួយបង្កើត ម្យ៉ាងកំពុងមានទុក្ខត្រូវរៀបចំពិធីបុណ្យសព លទ្ធផលមិនទាន់ដឹងថា សមត្ថកិច្ចអនុវត្តបែបណានៅឡើយទេរហូតដល់ព្រឹកថ្ងៃទី១៤មិថុនានេះ។
ចែករំលែកព័តមាននេះ