ខេត្តកំពង់ចាម ៖ យុវជនឈាមរាវម្នាក់ឈ្មោះនី សុខជា អាយុ១៩ឆ្នាំ រស់នៅក្នុងឃុំតាប្រុក ស្រុកចំការលើ ដែលបានប្រើល្បិចលួងក្មេងស្រីម្នាក់ អាយុ៧ឆ្នាំ ទៅរំលោ.ភសេពសន្ថវៈនៅលើផ្ទះត្រូវបានចាប់ខ្លួនតាមពាក្យបណ្តឹងរបស់ម្តាយក្មេងស្រី ។ ការចាប់រំលោ.ភនេះ បានកើតឡើងកាលពីវេលាម៉ោង៣រសៀលថ្ងៃទី១៣ កញ្ញា ខណៈពេលម្តាយក្មេងស្រីចេញពីផ្ទះទៅទិញម្ហូប ។
ខេត្តកំពង់ចាម ៖ យុវជនឈាមរាវម្នាក់ឈ្មោះនី សុខជា អាយុ១៩ឆ្នាំ រស់នៅក្នុងឃុំតាប្រុក ស្រុកចំការលើ ដែលបានប្រើល្បិចលួងក្មេងស្រីម្នាក់ អាយុ៧ឆ្នាំ ទៅរំលោភសេពសន្ថវៈនៅលើផ្ទះត្រូវបានចាប់ខ្លួនតាមពាក្យបណ្តឹងរបស់ម្តាយក្មេងស្រី ។ ការចាប់រំលោភនេះ បានកើតឡើងកាលពីវេលាម៉ោង៣រសៀលថ្ងៃទី១៣ កញ្ញា ខណៈពេលម្តាយក្មេងស្រីចេញពីផ្ទះទៅទិញម្ហូប ។
តាមស្ត្រីជាម្តាយក្មេងស្រីបានរៀបរាប់ថា នៅថ្ងៃនោះគាត់បានចេញពីផ្ទះនៅវេលាម៉ោងប្រហែល២រសៀល ដើម្បីទៅទិញម្ហូបសម្រាប់ទទួលទាន ដោយទុកកូនស្រីអាយុ៧ឆ្នាំ និងកូនស្រីពៅអាយុ៥ឆ្នាំកន្លះឱ្យនៅចាំផ្ទះ២នាក់បងប្អូន ។ លុះនៅវេលាម៉ោង៣និង៣០នាទីរសៀល ខណៈគាត់ត្រឡប់មកផ្ទះវិញ កូនស្រីទាំង២នាក់ក៏រត់ចេញពីខាងក្រោមផ្ទះឈើមកទទួលទាំងចិត្ត រីករាយ ។ ប៉ុន្តែជាមួយនេះក៏មានចម្ងល់ថា តើស្លាដែលហាលនៅមុខផ្ទះ១កន្ទេលមានទម្ងន់ធ្ងន់ផងនោះ បានអ្នកណាជួយសាយកទៅដាក់នៅខាងក្រោមផ្ទះ ព្រោះកូនទាំង២នាក់តូចៗមិនអាចសាបានទេ ។ ពេលសួរនាំកូនស្រីពៅក៏បានបង្ហើបប្រាប់ថា ពេលដែលពួកគេទាំង២នាក់បងប្អូនកំពុងលេងនៅក្រោមផ្ទះត្រូវ ឈ្មោះសុខជា មកបបួលកូនស្រីបងឡើងទៅលើផ្ទះហូបកន្ទួត ហើយពេលកូនស្រីប្អូនសុំឡើងទៅជាមួយឈ្មោះសុខជា មិនឱ្យទៅទេ តាមពិតជននោះប្រើល្បិចនាំទៅរំលោភនៅចង្ក្រានបាយលើផ្ទះ ។ ក្រោយពីដឹងរឿងហេតុនេះ គាត់ជាម្តាយក៏បានទៅសួរជនសង្ស័យដល់ផ្ទះ និងម្តាយរបស់គេផង ព្រោះមិនចង់ឱ្យមានរឿងវែងឆ្ងាយ តែគេបែរជាប្រើពាក្យមិនគួរសមមកលើគាត់ ទើបសម្រេចចិត្តប្តឹងលោកនាយប៉ុស្តិ៍រដ្ឋបាលតាប្រុកឱ្យចាប់ខ្លួនជនសង្ស័យនៅរសៀលថ្ងៃទី១៤ កញ្ញា ។
លោកវរសេនីយ៍ត្រី អិុត ដារ៉ា អធិការនគរបាលស្រុកចំការលើបានឱ្យដឹងថា ជនសង្ស័យឈ្មោះ សុខជា ពិតជាបានប្រើល្បិចមកបេះកន្ទួតនៅមុខផ្ទះក្មេងស្រី ហើយបបួលនាងបងឡើងទៅលើផ្ទះ រួចចាប់រំលោភរហូតបានសម្រេចប្រាកដមែន ។ នារសៀលថ្ងៃទី១៥ កញ្ញា ជនសង្ស័យត្រូវបានបញ្ជូនមកស្នងការដ្ឋាននគរបាលខេត្តដើម្បីចាត់ការតាមច្បាប់ ៕
ចែករំលែកព័តមាននេះ