រាជធានីភ្នំពេញ ៖ រថយន្ត CRV ពណ៌ខ្មៅ ទំនងអ្នកបើកស្ថិតក្នុងស្ថានភាពស្រវឹងជោកជាំ បត់ឆ្វេងទៅបុកម៉ូតូស្មាស់ពេញទំហឹង បណ្តាលឱ្យម៉ូតូខ្ទាតទៅចិញ្ចើមផ្លូវម្ចាស់រងរបួស ។ ចំណែករថយន្តព្យាយាមបើករត់គេចតែត្រូវរថយន្តបាឡែន និងម៉ូតូជាច្រើនគ្រឿងទៀតជិះដេញតាមស្ទាក់បាន ស្រាប់តែម្ចាស់រថយន្តប្រាប់ថា គាត់អត់ខុសទេ គឺខុស
រាជធានីភ្នំពេញ ៖ រថយន្ត CRV ពណ៌ខ្មៅ ទំនងអ្នកបើកស្ថិតក្នុងស្ថានភាពស្រវឹងជោកជាំ បត់ឆ្វេងទៅបុកម៉ូតូស្មាស់ពេញទំហឹង បណ្តាលឱ្យម៉ូតូខ្ទាតទៅចិញ្ចើមផ្លូវម្ចាស់រងរបួស ។ ចំណែករថយន្តព្យាយាមបើករត់គេចតែត្រូវរថយន្តបាឡែន និងម៉ូតូជាច្រើនគ្រឿងទៀតជិះដេញតាមស្ទាក់បាន ស្រាប់តែម្ចាស់រថយន្តប្រាប់ថា គាត់អត់ខុសទេ គឺខុសផឹកស្រាប៉ុណ្ណោះ ។
ហេតុការណ៍នេះកើតឡើងនៅចំណុចស្តុបរោងកុនលុច្ស តាមមហាវិថីព្រះនរោត្តមកែងផ្លូវលេខ១៥៤ សង្កាត់ផ្សារថ្មីទី៣ ខណ្ឌដូនពេញ កាលពីវេលាម៉ោង១២និង១៥នាទីរំលងអធ្រាត្រឈានចូលថ្ងៃទី១៦ កញ្ញា ២០១២ ។ រថយន្តបង្កព្យាយាមបើករត់គេច គាប់ជួនពេលនោះ មានរថយន្តកាមរីបាឡែន និងម៉ូតូជាច្រើនគ្រឿងទៀតដែលឃើញហេតុការណ៍នាំគ្នាជិះដេញតាមរហូតដល់ផ្លូវលេខ១៣០កែងផ្លូវលេខ៤៩ ក្នុងសង្កាត់ផ្សារថ្មីទី៣ ទើបឃាត់រថយន្តនោះបានប្រគល់ទៅឱ្យសមត្ថកិច្ច ។
អ្នកបើកម៉ូតូឌ្រីមសេ១២៥ ឈ្មោះអឿន វុទ្ធី ភេទប្រុស អាយុ៣០ឆ្នាំ ជាបុគ្គលិកនៅភោជនីយដ្ឋាន ស្នាក់នៅផ្ទះលេខ31Ez ផ្លូវលេខ៦១ សង្កាត់វត្តភ្នំ ខណ្ឌដូនពេញ រងរបួសត្រូវបានរថយន្តសង្គ្រោះគ្លីនិកឯកជនដឹកទៅព្យាបាល។
បន្ទាប់ពីឃាត់រថយន្តបង្កបានហើយម្ចាស់រថយន្តបានឈ្លោះប្រកែកជាមួយអ្នកឃើញហេតុការណ៍ដែលជិះដេញតាមថា គាត់មិនមែនជាអ្នកខុសទេ គឺ គាត់ខុសដោយសារផឹកស្រវឹងប៉ុណ្ណោះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ