សង្កាត់វាលស្បូវជាសង្កាត់មួយ ស្ថិតក្រោមការគ្រប់គ្រងរដ្ឋបាលរបស់ខណ្ឌមានជ័យ មានទីតាំងភូមិសាស្ត្រ ស្ថិតនៅតាមបណ្តោយផ្លូវជាតិលេខ១ ស្របនឹងដងទន្លេមេគង្គ ។ មានព្រំប្រទល់៖
– ខាងជើងទល់នឹង ទន្លេមេគង្គ ស្រុកល្វាឯម
សង្កាត់វាលស្បូវជាសង្កាត់មួយ ស្ថិតក្រោមការគ្រប់គ្រងរដ្ឋបាលរបស់ខណ្ឌមានជ័យ មានទីតាំងភូមិសាស្ត្រ ស្ថិតនៅតាមបណ្តោយផ្លូវជាតិលេខ១ ស្របនឹងដងទន្លេមេគង្គ ។ មានព្រំប្រទល់៖
– ខាងជើងទល់នឹង ទន្លេមេគង្គ ស្រុកល្វាឯម
- ខាងត្បូងទល់នឹង សង្កាត់ព្រែកថ្មី និងសង្កាត់ព្រែកប្រា ខណ្ឌមានជ័យ ។
– ខាងកើតទល់នឹង សង្កាត់ព្រែកឯង ខណ្ឌមានជ័យ ។
- ខាងលិចទល់ សង្កាត់និរោធ ខណ្ឌមានជ័យ ។
- ចំនួនប្រជាពលរដ្ឋសរុប៩.០៣៨នាក់ ស្រី៤.៦៨៤នាក់ អាយុ១៨ឆ្នាំឡើង៥.៤៦៣នាក់ ស្រី២.៧៦៧នាក់ ។
- ប្រជាពលរដ្ឋមានឈ្មោះក្នុងបញ្ជីបោះឆ្នោតឆ្នាំ២០១១ មានចំនួន៧.១៦១នាក់ ។
– សង្កាត់ចែកចេញជា៤ភូមិ មាន៨៣ក្រុម
សមាជិកក្រុមប្រឹក្សា៧រូប ស្រីម្នាក់ ក្នុងនោះ៖
- គណបក្សប្រជាជនកម្ពុជា មានចំនួន៤រូប ។
– គណបក្សសម រង្ស៊ី មានចំនួន២រូប ។
– គណបក្សនរោត្តម រណប្ញទ្ធិ ចំនួន១រូប ។
- ចៅសង្កាត់ជានារី ជាសមាជិកមកពីគណបក្សប្រជាជនកម្ពុជា ។
– ចៅសង្កាត់រងទី១ ជាបុរស ជាសមាជិកមកពីគណបក្សសម រង្ស៊ី ។
- ចៅសង្កាត់រងទី២ ជាបុរស ជាសមាជិកមកពីគណបក្ស នរោត្តម រណប្ញទ្ធិ ។
– ថែរក្សាសន្តិសុខ សណ្តាប់ធ្នាប់សាធារណៈនៅក្នុងមូលដ្ឋានបានរឹងមាំ ដើម្បីការពារភាពសុខសាន្ត របស់ប្រជាពលរដ្ឋទាំងផ្លូវកាយ និងផ្លូវចិត្ត ។
- បំបាត់នូវរាល់បទល្មើសលួច ឆក់ ប្លន់ ប្រដាប់អាវុធ និងបាតុភាពអសកម្មដែលមាននៅក្នុងមូលដ្ឋាន ។
- បំបាត់ក្រុមបងធំ បងតូច ក្រុមក្មេងទំនើង និងប្រឆាំងគ្រប់រូបភាពនៃការជួញដូរស្ត្រី កុមារ និងការប្រើប្រាស់គ្រឿងញៀន ។
- បង្កើតប៉ុស្តិ៍យាម ដោយមានប្រជាពលរដ្ឋ ប្រជាការពារ និងសហការគ្រប់កម្លាំងសមត្ថកិច្ច ចុះល្បាតពួនស្ទាក់ និងចលនាប្រជាពលរដ្ឋបង្កើតបណ្តាញការពារអគ្គីភ័យ ។
ក្នុងអាណត្តិទី២ រយៈពេល៥ឆ្នាំកន្លងមក ក្រុមប្រឹក្សាសង្កាត់បានលើកជាគំរោងផែនការអភិវឌ្ឍសង្កាត់ ដើម្បីធ្វើការកែលម្អមូលដ្ឋានសង្កាត់ឱ្យមានការរីកចម្រើនជាលំដាប់លើគ្រប់វិស័យ ជាក់ស្តែងដូចជា ៖
១- ជួសជុលផ្លូវលំក្រាលក្រួសក្រហមចំនួន២ខ្សែ មានប្រវែង២.៧០៣ម៉ែត្រ ចំណាយប្រាក់មូលនិធិសង្កាត់ និងទុនចូលរួមរបស់ប្រជាពលរដ្ឋអស់ថវិកាចំនួន១២០.៨៦៤.២៤២រៀល ។
២- ដាក់លូរំដោះទឹកភ្លៀង១ខ្សែ មានប្រវែង៣២០ម៉ែត្រ ចំណាយប្រាក់មូលនិធិសង្កាត់ និងទុនចូលរួមរបស់ប្រជាពលរដ្ឋអស់ថវិកាចំនួន៣២.០០០.០០០រៀល ។
៣- ស្ថាបនាផ្លូវចាក់បេតុង១ខ្សែ មានប្រវែង៣៩៧ម៉ែត្រ ចំណាយប្រាក់មូលនិធិសង្កាត់ និងទុនចូលរួមរបស់ប្រជាពលរដ្ឋអស់ថវិកា៩០.២០០.៣៨៥រៀល ។
៤- ស្ថាបនាផ្លូវចាក់បេតុងចំនួន១ខ្សែ មានប្រវែង៥៦០ម៉ែត្រ ជាគម្រោង៥០%+៥០% នៅភូមិព្រែកជាព្រំ ចំណាយអស់ថវិកាចំនួន២៣០.៣៦៤.០០០រៀល ។
៥- ស្ថាបនាផ្លូវចាក់េបតុងចំនួន២ខ្សែ មានប្រវែង១.២០០ម៉ែត្រ នៅភូមិស្វាយតាអុក និងភូមិវាលស្បូវ ជាអំណោយឧបត្ថម្ភរបស់លោករដ្ឋមន្ត្រី ត្រាំង អីុវតឹក ។
៦- ស្ថាបនាផ្លូវចាក់បេតុង ចំនួន១ខ្សែ មានប្រវែង២០ម៉ែត្រ នៅភូមិវាលស្បូវ ជាអំណោយរបស់លោកញីវ ប៊ុនហឿន ប្រធានក្រុមហ៊ុនឌីម៉ង់ខន់ស្ត្រាក់សិន ។
ចៅសង្កាត់រៀបរាប់ថា ការងារអភិវឌ្ឍបានរីកចម្រើនដោយសង្ខេបខាងលើនេះ អាស្រ័យក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រីដែលមានការជឿជាក់ពីប្រជាជន ។ ម៉្យាងទៀត ស្ថិតក្រោមផែនការអភិវឌ្ឍរបស់លោកកែប ជុតិមា អភិបាលរាជធានីភ្នំពេញដែលលោកបានដឹកនាំប្រកបដោយភាពម៉ឺងម៉ាត់ ទើបធ្វើឱ្យសង្កាត់វាលស្បូវ ក្លាយជាសង្កាត់មានមុខមាត់ និងរីកចម្រើនលើគ្រប់វិស័យ ៕
ចែករំលែកព័តមាននេះ