ខេត្តឧត្តរមានជ័យ ៖ លោក ចាន់ រិទ្ធី អនុប្រធានស្នាក់ការកាំកុងត្រូលនៅច្រកទា្វរអន្តរជាតិអូរស្មាច់ បានដឹកនាំមន្ត្រីសមត្ថកិច្ចចម្រុះចុះធ្វើការត្រួតពិនិត្យផលិតផលម្ហូបអារហារនិងពិនិត្យរកមុខទំនិញដែលខូចគុណភាពដាក់តាំងលក់នៅតាមផ្សារនានាក្នុងស្រុកត្រពាំងប្រាសាទកាលពីព្រឹកថ្ងៃទី១៣ កញ្ញា កន្លងទៅ ។
ខេត្តឧត្តរមានជ័យ ៖ លោក ចាន់ រិទ្ធី អនុប្រធានស្នាក់ការកាំកុងត្រូលនៅច្រកទា្វរអន្តរជាតិអូរស្មាច់ បានដឹកនាំមន្ត្រីសមត្ថកិច្ចចម្រុះចុះធ្វើការត្រួតពិនិត្យផលិតផលម្ហូបអារហារនិងពិនិត្យរកមុខទំនិញដែលខូចគុណភាពដាក់តាំងលក់នៅតាមផ្សារនានាក្នុងស្រុកត្រពាំងប្រាសាទកាលពីព្រឹកថ្ងៃទី១៣ កញ្ញា កន្លងទៅ ។
លោកចាន់ រិទ្ធី ថ្លែងថា យោងតាមអនុសាសន៍សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងតាមការចង្អុលបង្ហាញពីអគ្គនាយកកាំកុងត្រូល បានដាក់បទបញ្ជាយ៉ាងតឹងរឹុងបំផុតឱ្យនៅតាមមាត់ច្រកទ្វារអន្តរជាតិនីមួយៗ ទូទាំងប្រទេសត្រូវតែអនុវត្តដោយយកចិត្តទុកដាក់ធ្វើការទប់ស្កាត់រាល់មុខទំនិញខូចគុណភាព នាំចូលពីប្រទេសជិតខាងដែលបង្កឱ្យមានការប៉ះពាល់ដល់សុខភាពប្រជាពលរដ្ឋដូចជា បន្លែ ផ្លែឈើ សាច់ជ្រូក សាច់គោ មាន់ ទា គ្រឿងសមុទ្រ ព្រមទាំងមុខទំនិញជាគ្រឿងកំប៉ុង នំចំណីរបស់ក្មេងដែលហួសកាលបិរច្ឆេទផងដែរ ។
កន្លងមកមន្ត្រីកាំកុងត្រូលប្រចាំស្នាក់ការខេត្ត បានយកចិត្តទុកដាក់ធ្វើការទប់ស្តាត់នៅមាត់ច្រកទា្វារអន្តរជាតិអូរស្មាច់ និងមាត់ច្រកទា្វារអន្តរជាតិជំាសាងាុំ ត្រួតពិនិត្យរកឃើញមុខទំនិញខូចគុណភាពជាច្រើនដែលក្រុមឈ្មួញនាំចូល ហើយបានដកហូតយកមកដុតកម្ទេចចោល ។ លោកបន្តថា មន្ត្រីកាំកុងត្រូលបានកំណត់ធ្វើការត្រួតពិនិត្យ២ទៅ៣ខែម្តងនៅតាមផ្សារនានាក្នុងខេត្តដូចជាសាច់ជ្រូក សាច់គោ គ្រឿងសមុទ្រ ត្រីសាច់ដែលក្លាស្សេដាក់លាយសារធាតុគីមីហ្វ័រម៉ុល ដើម្បីរក្សាទុកបានយូរ ព្រោះនាំទៅដល់ការកើតមានរោគមហារីកសរីរាង្គនិងការបំផ្លាញកោសិកាផ្សេងៗក្នុងខ្លួនប្រាណមនុស្សទៀតផង ។
លោកចាន់ រិទ្ធី បានបញ្ជាក់ថា នាព្រឹកថ្ងៃទី១៣ កញ្ញា ឆ្នាំ២០១២ លោកបានដឹកនាំមន្ត្រីសមត្ថកិច្ចចុះត្រួតពិនិត្យមុខទំនិញដាក់តាំងលក់នៅក្នុងផ្សារត្រពាំងប្រាសាទ រកឃើញមុខទំនិញដែលខូចគុណភាពដូចជាកម្ទេចនំចំនួន២៥០កញ្ចប់ ស្ករគ្រាប់ក្មេងចំនួន១៥០កញ្ចប់ ទឹកខ្មេះចំនួន១០ដប សណ្តែកបំពងចំនួន៥០កញ្ចប់ និងបានដកហូត រួចធ្វើការអប់រំដល់ក្រុមអាជីវករមិនឱ្យយកទំនិញដែលខូចគុណភាព ឬកំប៉ុងក្រពឹតមានច្រែះនិងហួសកាលបរិច្ឆេទ ដាក់តាំងលក់ឡើយ ៕
ចែករំលែកព័តមាននេះ