ខេត្តព្រៃវែង ៖ យោងតាមរបាយការណ៍របស់ការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្ត បានឱ្យដឹងថា ក្នុងរយៈពេល១ខែ គិតចាប់ពីថ្ងៃទី១១ សីហា ដល់ថ្ងៃទី១០ កញ្ញា ខេត្តព្រៃវែងបានកើតមានគ្រោះថ្នាក់ចរាចរណ៍ចំនួន១០លើក ប្រៀបធៀបទៅនឹងខែមុនដែលកើតឡើង១៣លើក ឃើញថា បានថយចុះ៣លើកស្មើ២៣% ។
ខេត្តព្រៃវែង ៖ យោងតាមរបាយការណ៍របស់ការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្ត បានឱ្យដឹងថា ក្នុងរយៈពេល១ខែ គិតចាប់ពីថ្ងៃទី១១ សីហា ដល់ថ្ងៃទី១០ កញ្ញា ខេត្តព្រៃវែងបានកើតមានគ្រោះថ្នាក់ចរាចរណ៍ចំនួន១០លើក ប្រៀបធៀបទៅនឹងខែមុនដែលកើតឡើង១៣លើក ឃើញថា បានថយចុះ៣លើកស្មើ២៣% ។
សរុបហេតុការណ៍គ្រោះថ្នាក់ចរាចរណ៍ ទាំង១០លើកនេះ បណ្តាលឱ្យមនុស្សស្លាប់ចំនួន៣នាក់ ក្នុងនោះស្រី២នាក់ រងរបួសធ្ងន់ចំនួន១៥នាក់ ស្រី១នាក់ និងរបួសស្រាលចំនួន២នាក់ ។ ខូចខាតរថយន្តចំនួន៥គ្រឿង ម៉ូតូ១១គ្រឿង និងកង់១គ្រឿង ។ មូលហេតុនៃគ្រោះថ្នាក់បណ្តាលមកពីការបើកបរល្បឿនលឿនហួសកំណត់ចំនួន៧ករណី ការបើកបរក្រោមឥទ្ធិពលនៃជាតិស្រវឹងចំនួន១ករណី និងបណ្តាលមកពីកត្តាយានយន្តចំនួន២ករណី ។
តាមរបាយការណ៍ដដែលបានបង្ហាញផងដែរពីកត្តាប្រឈមមួយចំនួនដែលរួមមានអ្នកបើកបរមិនទាន់គោរពច្បាប់ចរាចរណ៍ឱ្យបានគ្រប់ៗគ្នា នៅឡើយ ឯការផ្សព្វផ្សាយពីច្បាប់ចរាចរណ៍ក៏នៅមិនទាន់បានទូលំទូលាយ ជាពិសេសគឺនៅតំបន់ឆ្ងាយដាច់ស្រយាលហើយការផាកពិន័យ និងផ្តន្ទាទោសទៅលើជនដែលប្រព្រឹត្តល្មើសក៏នៅមានកម្រិតដែរ ។
ឆ្លើយតបទៅនឹងបញ្ហាប្រឈមទាំងនេះ ការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តព្រៃវែង បានដាក់ចេញនូវវិធានការដ៏ចម្បងសម្រាប់ទប់ស្កាត់បញ្ហាទាំងនោះគឺធ្វើការអប់រំនិងផាកពិន័យចំពោះករណីល្មើសឱ្យបានតឹងរឹងទៅតាមច្បាប់ ៕
ចែករំលែកព័តមាននេះ