រាជធានីភ្នំពេញ ៖ រ៉ឺម៉កម៉ូតូមួយគ្រឿងបានបោលទៅបុកគូទម៉ូតូសេ១២៥ចំនួន២គ្រឿងទាំងកំរោល ដួលរដូករណែលលើផ្លូវបណ្តាលឱ្យមនុស្ស២នាក់រងរបួសស្រាល កាលពីវេលាម៉ោង៣រសៀលថ្ងៃទី១៤ កញ្ញា នៅតាមបណ្តោយផ្លូវ១៩៨៦ទល់មុខសាលាក្តីសង្ឃឹមអនាគតក្នុងសង្កាត់ភ្នំពេញថ្មី ខណ្ឌសែនសុខ ។
រាជធានីភ្នំពេញ ៖ រ៉ឺម៉កម៉ូតូមួយគ្រឿងបានបោលទៅបុកគូទម៉ូតូសេ១២៥ចំនួន២គ្រឿងទាំងកំរោល ដួលរដូករណែលលើផ្លូវបណ្តាលឱ្យមនុស្ស២នាក់រងរបួសស្រាល កាលពីវេលាម៉ោង៣រសៀលថ្ងៃទី១៤ កញ្ញា នៅតាមបណ្តោយផ្លូវ១៩៨៦ទល់មុខសាលាក្តីសង្ឃឹមអនាគតក្នុងសង្កាត់ភ្នំពេញថ្មី ខណ្ឌសែនសុខ ។
តាមការឱ្យដឹងពីអ្នករងរបួសឈ្មោះសុខ ឡា អាយុ៥០ឆ្នាំ ជាមន្ត្រីយោធា ស្នាក់នៅសង្កាត់ចោមចៅ ខណ្ឌពោធិ៍សែនជ័យបានឱ្យដឹងថា មុនពេលកើតហេតុគាត់បានជិះម៉ូតូសេ១២៥ពណ៌ក្រហមពីលិចទៅកើតតាមបណ្តោយផ្លូវ១៩៨៦ ស្រាប់តែមកដល់កន្លែងកើតហេតុមានរ៉ឺម៉កម៉ូតូមួយគ្រឿងបើកបរដោយបុរសស្រវឹងម្នាក់ក្នុងល្បឿនលឿនស្របទិសគ្នាមកបុកគូទម៉ូតូគាត់ពីក្រោយហើយម៉ូតូូរបស់គាត់ក៏ជ្រុលទៅបុកគូទម៉ូតូសេ១២៥មួយគ្រឿងទៀតបណ្តាលឱ្យដួលទាំង២គ្រឿងតែម្តង ។
បុរសខាងលើបានបន្តថា អ្នកបើកបររ៉ឺម៉កម៉ូតូមិនរងរបួសទេ ។ ដោយឡែកអ្នកបើកម៉ូតូសេ១២៥ពណ៌ខ្មៅមួយគ្រឿងទៀតឈ្មោះពឹង កុសល អាយុ២៨ឆ្នាំ មានទីលំនៅសង្កាត់ឃ្មួញ ខណ្ឌសែនសុខ បានរងរបួសបែកចិញ្ចើមខាងឆ្វេង។ ចំណែកឯមន្ត្រីយោធាខាងលើបានរងរបួសរលាត់ជើងខាងស្តាំ ។ ក្រោយពេលកើតហេតុជនរងគ្រោះទាំង២បានទារសំណងចំនួន១០០ដុល្លារ ពីអ្នកបើករ៉ឺម៉កម៉ូតូ ប៉ុន្តែម្ចាស់រ៉ឺម៉កគ្មានលុយសង ក៏ហៅប៉ូលិសចរាចរអន្តរាគមន៍យកយានយន្តទាំង៣គ្រឿងទៅរក្សាទុកនៅអធិការដ្ឋានខណ្ឌសែនសុខដើម្បីដោះស្រាយ ៕
ចែករំលែកព័តមាននេះ