សារព័ត៌មានបរទេសផ្សាយឱ្យដឹងថា ជនជាតិអុីស្រាអែល និងអ្នកកាន់សាសនាអ៊ិស្លាម រួមទាំងសាសនាគ្រឹស្តមួយចំនួនក្នុងប្រទេសអាល្លឺម៉ង់ បានប្រមូលផ្តុំគ្នាធ្វើបាតុកម្មក្នុងទីក្រុងប៊ែររឡាំង ដើម្បីជំទាស់នឹងបញ្ជាតុលាការក្រុងកូឡូញ ដែលហាមការច្រឹបចុងអវយវៈភេទបុរស ដោយផ្តល់នូវហេតុផលថា ជាការដាក់ទណ្ឌកម្មលើរាងកាយ ។
សារព័ត៌មានបរទេសផ្សាយឱ្យដឹងថា ជនជាតិអុីស្រាអែល និងអ្នកកាន់សាសនាអ៊ិស្លាម រួមទាំងសាសនាគ្រឹស្តមួយចំនួនក្នុងប្រទេសអាល្លឺម៉ង់ បានប្រមូលផ្តុំគ្នាធ្វើបាតុកម្មក្នុងទីក្រុងប៊ែររឡាំង ដើម្បីជំទាស់នឹងបញ្ជាតុលាការក្រុងកូឡូញ ដែលហាមការច្រឹបចុងអវយវៈភេទបុរស ដោយផ្តល់នូវហេតុផលថា ជាការដាក់ទណ្ឌកម្មលើរាងកាយ ។
នៅក្នុងរបាយការណ៍បញ្ជាក់ថា តុលាការក្រុងកូឡូញ ចេញបញ្ជាហាមច្រឹបចុងអវយវៈភេទ កាលពីខែមិថុនា និងចូលជាធរមានតែនៅទីក្រុងកូឡូញប៉ុណ្ណោះ ប៉ុន្តែបន្ទាប់មកសមាគមវេជ្ជបណ្ឌិតក្នុងប្រទេសអាល្លឺម៉ង់ ចាប់ផ្តើមចេញបទបញ្ជាឱ្យគ្រូពេទ្យទូទាំងប្រទេសបញ្ឈប់ការច្រឹបចុងលិង្គ ព្រោះបារម្ភថា អាចល្មើសលើបទបញ្ជារបស់តុលាការ ។
ហេតុការណ៍នោះបានបង្កឱ្យជនជាតិអុីស្រាអែល-មូស្លុីម ក្នុងរដ្ឋអុីស្រាបាវ៉ារីយ៉ា ត្រូវអាជ្ញាធរអាល្លឺម៉ង់នាំខ្លួនទៅសាកសួរពីបទប្រតិបត្តិតួនាទីច្រឹបអវយវៈភេទបុរស ខណៈពេលហេតុការណ៍នោះជាចំណុចផ្តួចផ្តើមដល់ជនជាតិអុីស្រាអែល និងមូស្លុីមជាច្រើនពាន់នាក់ នាំគ្នាធ្វើបាតុកម្មនៅទីក្រុងបែ៊រឡាំង ដើម្បីទាមទារសិទ្ធិ និងសេរីភាពផ្នែកសាសនា ។
កាលពីថ្ងៃទី១២ កញ្ញា ២០១២ រដ្ឋបាលក្រុងប៊ែរឡាំងបានប្រកាសបញ្ជាក់ថា ពិធីច្រឹបលឹង្គគឺជារឿងស្របច្បាប់នៅប៊ែរឡាំង ខណៈពេលរដ្ឋាភិបាលរបស់ប្រទេសអាចស្នើសេចក្តីព្រាងច្បាប់នានាលើការច្រឹបលិង្គជារឿងស្របច្បាប់ និងជាផ្នែកមួយក្នុងការលុបលាងបញ្ជារបស់តុលាការក្រុងកូឡូញ ។
ចែករំលែកព័តមាននេះ