ក្រុងប៉ោយប៉ែត ៖ អ្នកនាំភ្ញៀវទេសចរបរទេស (Guide) ម្នាក់ត្រូវបានប៉ូលិសទេសចរប្រចាំច្រកទ្វារអន្តរជាតិប៉ោយប៉ែត ហៅសួរនាំ និងអប់រំកាលពីវេលាម៉ោង១១និង២៥នាទីព្រឹកថ្ងៃទី១១ កញ្ញា ២០១២ ក្រោយពីធ្វើខុសសេចក្តីណែនាំរបស់ក្រសួងទេសចរណ៍ នាំភ្ញៀវទេសចរគ្មានប័ណ្ណពាក់ជាសម្គាល់ ហើយបណ្តោយឱ្យភ្ញៀវធ្វើដំណើរទៅដល់ខេត្តសៀមរាប ឯលិខិតឆ្លងដែនរបស់ភ្ញៀវនៅនឹងខ្លួនរបស់គេ ឯក្រុងប៉ោយប៉ែតទៅវិញ ។
អ្នកនាំាំភ្ញៀវដែលត្រូវប៉ូលិសទេសចរហៅសួរនាំឈ្មោះថោង សារុន ភេទប្រុស អាយុ២៨ឆ្នាំ មានទីលំនៅភូមិកត្តសត ឃុំកូប ស្រុកអូរជ្រៅ ខេត្តបន្ទាយមានជ័យ ។ តាមលោកវរសេនីយ៍ត្រី ព្រុំ ចាន់ឌី នាយប៉ូលិសទេសចរនៃនាយកដ្ឋានទេសចរនៅក្រសួងមហាផ្ទៃប្រចាំច្រកទ្វារអន្តរជាតិប៉ោយប៉ែត បានប្រាប់ថា ឈ្មោះថោង សារុន ដែលកម្លាំងរបស់លោកហៅសួរនាំ និងអប់រំនេះបានធ្វើខុសទៅនឹងសេចក្តីណែនាំរបស់ក្រសួងទេសចរណ៍ ដោយគេធ្វើជាអ្នកនាំភ្ញៀវមិនពាក់ប័ណ្ណសម្គាល់ខ្លួន ហើយបានឱ្យភ្ញៀវរុស្ស៊ី ចំនួន៦នាក់ដែលគេនាំឆ្លងដែនពីដីថៃធ្វើដំណើរទៅដល់ខេត្តសៀមរាបមុន ខណៈលិខិតឆ្លងដែនរបស់ភ្ញៀវទាំងនោះនៅនឹងខ្លួនរបស់គេនៅ ឯក្រុងប៉ោយប៉ែតនៅឡើយ ដែលករណីនេះលោកលើកឡើងថាមិនគួរឱ្យកើតមាននោះទេ ព្រោះបើភ្ញៀវជួបឧប្បត្តិហេតុដោយប្រការណាមួយនោះវាពិបាករកអត្តសញ្ញាណ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ