ខេត្តកំពង់ធំ ៖ ប្រជាពលរដ្ឋ និងអាជីវករលក់ដូរនៅក្រោយផ្សារកំពង់ធំមានការខឹងសម្បានឹងអ្នកម៉ៅការភាស៊ីផ្សារ គឺលោកកូយ គឹមសាយ ដែលបើកដៃឱ្យ លោកសាយ សំអាត ជាអ្នកមើលការខុសត្រូវខាងសន្តិសុខសណ្តាប់ធ្នាប់ និងទារភាស៊ីផ្សារកំពង់ធំ នាំកូនចៅដើរទារភាស៊ីតាមតែអំពើចិត្ត ដោយមិនខ្ចីគោរពតាមកិច្ចសន្យាដែលបានចែងនៅក្នុងសៀវភៅបន្ទុកឡើយ ។
ខេត្តកំពង់ធំ ៖ ប្រជាពលរដ្ឋ និងអាជីវករលក់ដូរនៅក្រោយផ្សារកំពង់ធំមានការខឹងសម្បានឹងអ្នកម៉ៅការភាស៊ីផ្សារ គឺលោកកូយ គឹមសាយ ដែលបើកដៃឱ្យ លោកសាយ សំអាត ជាអ្នកមើលការខុសត្រូវខាងសន្តិសុខសណ្តាប់ធ្នាប់ និងទារភាស៊ីផ្សារកំពង់ធំ នាំកូនចៅដើរទារភាស៊ីតាមតែអំពើចិត្ត ដោយមិនខ្ចីគោរពតាមកិច្ចសន្យាដែលបានចែងនៅក្នុងសៀវភៅបន្ទុកឡើយ ។
ថ្លៃប្រមូលភាស៊ីបានចែងក្នុងសៀវភៅបន្ទុកមិនឱ្យលើសពីតម្លៃកំណត់ក្នុងតារាងដែលកំណត់ថា លក់១កញ្ច្រែង ១កញ្ជើ ឬ១កញ្ឆេ១ថ្ងៃ១០០រៀល លក់១តូប ឬ១គ្រែបន្លែ បបរ នំបញ្ចុក និងបង្អែមគ្រប់មុខមួយថ្ងៃ២០០រៀល ផ្ញើកង់១រយៈពេល១ថ្ងៃ២០០រៀល ផ្ញើម៉ូតូ៣០០រៀល១ថ្ងៃ… ។ល។ ចំណែកអ្នកទារភាស៊ី ក៏មានការកំណត់ដែរថា អ្នកដើរយកបែបអនាធិបតេយ្យ គ្មានស្លៀកពាក់ឯកសណ្ឋាន គ្មានប័ណ្ណភាស៊ី ឬទារលើសពីតម្លៃកំណត់ក្នុងសៀវភៅបន្ទុក គឺជាទង្វើខុសច្បាប់ ។
ថ្វីបើមានការកំណត់យ៉ាងនេះក្តី តែការអនុវត្តរបស់អ្នកប្រមូលភាស៊ីផ្សារកំពង់ធំបានធ្វើផ្ទុយ១៨០% ។ ប្រជាពលរដ្ឋដែលបេះបន្លែពីផ្ទះយកមកលក់បន្តិចបន្ទួចលក់បានប្រាក់តែ២ ឬ៣ពាន់រៀលប៉ុណ្ណោះក៏អ្នកទារភាស៊ីទារគាត់ពី៥០០រៀលទៅ១.០០០រៀលដែរ ពួកគាត់សុំឱ្យត្រឹម៣០០រៀលមិនយកទេ ។ចំណែកអ្នកលក់បន្លែ ផ្លែឈើ (គ្មានតូប) លក់ក្រោមដំបូលឆត្រ បង់ភាស៊ីចាប់ពី១.០០០រៀលទៅ២.០០០រៀល មានកន្លែងខ្លះបង់លុយខែជាង១០ម៉ឺនរៀលក្នុង១ខែ ។ រីឯអ្នកផ្ញើកង់-មូ៉ូតូវិញផ្ញើកង់១គ្រឿងយក៥០០រៀល ម៉ូតូ១គ្រឿងតម្លៃនៅក្នុងប័ណ្ណចេញដោយក្រសួងសេដ្ឋកិច្ច និងហិរញ្ញវត្ថុ៣០០រៀល តែទារ១.០០០រៀល លុះនៅពេលប្រជាពលរដ្ឋតវ៉ាក៏មានការឈ្លោះប្រកែកគ្នាជាមួយនឹងអ្នកផ្ញើម៉ូតូទៀតផងកាលពីថ្ងៃទី៥ កញ្ញា ។
ម្ចាស់ម៉ូតូបានសួរថា ហេតុអី្វក៏ទារលុយលើសពីតម្លៃកំណត់ដែលមាននៅក្នុងប័ណ្ណផ្ញើម៉ូតូ? អ្នកផ្ញើម៉ូតូឆ្លើយថា គឺលោកសាយ សំអាត អ្នកមើលការខុសត្រូវផ្សារឱ្យយក ហើយដោយខ្ជិលប្រកែកតវ៉ាវែងឆ្ងាយ ម្ចាស់ម៉ូតូក៏សុខចិត្តប្រគល់លុយឱ្យទាំងរអ៊ូរទាំ ។ ចំពោះបញ្ហាខាងលើនេះមានមតិមួយចំនួននិយាយរិះគន់ថា ទាំងអស់នេះគឺមកពីអាជ្ញាធរធ្វើគធ្វើថ្លង់ គិតថាជារឿងតូចតាច តែបើគិតឱ្យឆ្ងាយជាងនេះភាស៊ីតម្រូវឱ្យបង់តែ១០០រៀលទៅ២០០រៀល ទារចាប់ពី៥០០រៀលទៅ២.០០០រៀល ចំណែកផ្ញើម៉ូតូ៣០០រៀល ទារ១.០០០រៀល ។ ដូច្នេះតើក្នុង១ខែៗ ១ឆ្នាំៗគេប្រមូលពីញើសឈាមប្រជាពលរដ្ឋលើសសៀវភៅបន្ទុកនេះបានប៉ុន្មានរយលានទៅ? ហេតុអ្វីបានជាអាជ្ញាធរបណ្តែតបណ្តោយបែបនេះ? សូមក្រសួងហិរញ្ញវត្ថុកែតួលេខដែលកំណត់ឱ្យយកនេះវិញទៅ ហើយការកំណត់ប្រាក់ទុនដេញថ្លៃក៏គួរកែឡើងវិញដែរ ៕
ចែករំលែកព័តមាននេះ