ខេត្តបន្ទាយមានជ័យ ៖ មនុស្ស៣នាក់បានរងរបួសធ្ងន់ និងស្រាល ក្នុងឧប្បត្តិហេតុគ្រោះថ្នាក់ចរាចរណ៍២ករណីរវាងម៉ូតូបុកជាមួយម៉ូតូ និងរថយន្តបុកជាមួយរថយន្ត កាលពីថ្ងៃទី៩ កញ្ញា លើកំណាត់ផ្លូវជាតិលេខ៥ ស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។
ខេត្តបន្ទាយមានជ័យ ៖ មនុស្ស៣នាក់បានរងរបួសធ្ងន់ និងស្រាល ក្នុងឧប្បត្តិហេតុគ្រោះថ្នាក់ចរាចរណ៍២ករណីរវាងម៉ូតូបុកជាមួយម៉ូតូ និងរថយន្តបុកជាមួយរថយន្ត កាលពីថ្ងៃទី៩ កញ្ញា លើកំណាត់ផ្លូវជាតិលេខ៥ ស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។
លោកអនុសេនីយ៍ឯក តោ សារូ នាយផ្នែកការិយាល័យនគរបាលចរាចរបានឱ្យដឹងថា ករណីទី១ នៅវេលាម៉ោង៦និង២០នាទីល្ងាចថ្ងៃទី៩ កញ្ញា លើកំណាត់ផ្លូវជាតិលេខ៥ ត្រង់ចំណុចខាងត្បូងស្ពានសែសិន ចម្ងាយ១០០ម៉ែត្រ ស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ មានគ្រោះថ្នាក់ចរាចរណ៍កើតឡើង រវាងម៉ូតូឌ្រីមសេ១២៥ សេ៊រី២០០៥ ពណ៌ខ្មៅ បើកបរដោយឈ្មោះ ហ៊ិន សៀង ភេទប្រុស អាយុ២២ឆ្នាំ នៅភូមិក្បាលស្ពាន សង្កាត់ព្រះពន្លា បានបើកម៉ូតូទៅបុកម៉ូតូម៉ាកវ៉េវស៊េរី២០១០ បើកបរដោយបុរសម្នាក់មិនស្គាល់ឈ្មោះ បណ្តាលឱ្យដួលរបួសយ៉ាងដំណំ ។ លោកនាយផ្នែកបានបន្តថា មុនពេលកើតហេតុម៉ូូតូទាំង២គ្រឿងបានបើកស្របទិសគ្នាពីត្បូងទៅជើង ពេលដល់ចំណុចកើតហេតុ ស្រាប់តែអ្នកបើកម៉ូតូឌ្រីម បានបើកលឿនជ្រុលទៅបុកម៉ូតូវ៉េវពីក្រោយដែលជិះឌុបគ្នាជាមួយប្រពន្ធ ពេញទំហឹងបណ្តាលឱ្យដួលរងរបួសទាំងសងខាង ដោយឡែកស្ត្រីជាប្រពន្ធដែលជិះពីក្រោយមិនរងរបួសទេ ។
ដោយឡែកនៅថ្ងៃដដែលនេះដែរកាលពីវេលាម៉ោង៨និង៤០នាទីយប់ នៅមិនឆ្ងាយពីចំណុចកើតហេតុទី១នេះទេ នៅលើផ្លូវជាតិលេខ៥ ត្រង់ចំណុចមុខសណ្ឋាគារព្រះច័ន្ទ ស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ មានគ្រោះថ្នាក់ចរាចរណ៍មួយករណីទៀតរវាងរថយន្តម៉ាកមីតស៊ុយប៊ីហ្ស៊ី មីនីកាពណ៌ប្រផេះ បើកបរដោយឈ្មោះ ស៊ុយ រ៉ាវុធ ភេទប្រុស អាយុ៥០ឆ្នាំ ជាប្រធានក្រុមហ៊ុនទឹកស្អាតមង្គលបូរី រស់នៅភូមិគោកស្វាយ ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ បានបុកជាមួយរថយន្តម៉ាកមីតស៊ុយប៊ីហ្ស៊ី បែនដឹកថ្មពណ៌ស បើកបរដោយឈ្មោះ ហា៊ន ភេទប្រុស អាយុ២៩ឆ្នាំ នៅភូមិភ្នំធំ ឃុំអូរប្រាសាទ ស្រុកមង្គលបូរី បណ្តាលឱ្យអ្នកបើកបររថយន្តមីនីការងរបួសធ្ងន់បោកក្បាលនឹងកញ្ចក់រយះដេរ៧ថ្នេរ ។
លោកអនុសេនីយ៍ឯកតោ សារូ នាយផ្នែកការិយាល័យនគរបាលចរាចរបានឱ្យដឹងថា មុនពេលកើតហេតុរថយន្តទាំង២គ្រឿងបើកបញ្ច្រាសទិសគ្នា ពេលមកដល់ចំណុចកើតហេតុ ជាចំណុចផ្លូវកោងហើយបើកលឿនផងនោះស្រាប់តែរថយន្តមីតស៊ុយប៊ីហ្ស៊ី មីនីកា បានរេចង្កូតទៅខាងស្តាំផ្លូវបុកជាមួយរថយន្តម៉ាកមីតស៊ុយប៊ីហ្ស៊ីបែនដឹកថ្មពណ៌សផ្នែកខាងឆ្វេងដៃពេញទំហឹង បណ្តាលឱ្យរថយន្តមីតស៊ុយប៊ីហ្ស៊ីមីនីកាខូចខាតយ៉ាងដំណំ អ្នកបើកបរត្រូវរបួសធ្ងន់ផងដែរ ។ ក្រោយកើតហេតុរថយន្តទាំង២គ្រឿងត្រូវសមត្ថកិច្ចជំនាញ យកទៅរក្សាទុកដើម្បីរង់ចាំធ្វើការដោះស្រាយ ៕
ចែករំលែកព័តមាននេះ