ខេត្តព្រះសីហនុ ៖ បុរសម្នាក់បានស្លា.ប់នៅនឹងកន្លែង និងម្នាក់ទៀតរងរបួស ដោយសារជួបគ្រោះថ្នាក់ចរាចរណ៍មួយកើតឡើងរវាងរថយន្តនិងម៉ូតូ កាលពីវេលាម៉ោង១និង១០នាទីរសៀលថ្ងៃទី៩ កញ្ញា តាមបណ្តោយផ្លូវជាតិលេខ៤ត្រង់ចន្លោះគីឡូម៉ែត្រលេខ១៩៥-១៩៦ ចំណុចផ្លូវបំបែកអូរចំណា ស្ថិតក្នុងភូមិបត់គគីរ ឃុំអូរឧកញ៉ាហេង ស្រុកព្រៃនប់ ។
ខេត្តព្រះសីហនុ ៖ បុរសម្នាក់បានស្លាប់នៅនឹងកន្លែង និងម្នាក់ទៀតរងរបួស ដោយសារជួបគ្រោះថ្នាក់ចរាចរណ៍មួយកើតឡើងរវាងរថយន្តនិងម៉ូតូ កាលពីវេលាម៉ោង១និង១០នាទីរសៀលថ្ងៃទី៩ កញ្ញា តាមបណ្តោយផ្លូវជាតិលេខ៤ត្រង់ចន្លោះគីឡូម៉ែត្រលេខ១៩៥-១៩៦ ចំណុចផ្លូវបំបែកអូរចំណា ស្ថិតក្នុងភូមិបត់គគីរ ឃុំអូរឧកញ៉ាហេង ស្រុកព្រៃនប់ ។
តាមព័ត៌មានពីសមត្ថកិច្ចនៅកន្លែងកើតហេតុបានឱ្យដឹងថា គ្រោះថ្នាក់ចរាចរណ៍នេះបានកើតឡើងរវាងម៉ូតូមួយគ្រឿង ជិះគ្នាពីរនាក់ម៉ាកសេ១២៥ ស៊េរី២០១១ ក្នុងទិសដៅពីរាជធានីភ្នំពេញទៅខេត្តព្រះសីហនុ បានបុកគ្នាជាមួយរថយន្តមួយគ្រឿង ដែលបើកបញ្ច្រាសទិសគ្នា ម៉ាកហ្វ័ររែនជើ ពណ៌ខ្មៅ បណ្តាលឱ្យអ្នកជិះម៉ូតូទាំងពីរនាក់ ម្នាក់ឈ្មោះ សៀង សុម៉េត អាយុ២០ឆ្នាំ មានទីលំនៅក្នុងភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ ជាអ្នកបើកបរម៉ូតូរងរបួសស្រាល និងម្នាក់ទៀត ឈ្មោះ ហុឹម សម្បត្តិ អាយុ១៧ឆ្នាំ មានទីលំនៅក្នុងភូមិជាមួយគ្នាជាអ្នករួមដំណើរពីក្រោយបានស្លាប់នៅនឹងកន្លែងកើតហេតុ រីឯអ្នកបើកបររថយន្តបានរត់គេចខ្លួនបាត់ បន្សល់ទុកតែរថយន្ត និងអ្នកជិះក្នុងរថយន្តពីរនាក់ជាជនជាតិអង់គ្លេស នៅកន្លែងកើតហេតុ តែជនបរទេស២នាក់នោះពុំរងរបួសអ្វីឡើយ ។
សាក្សីបានឱ្យដឹងថា មុនពេលកើតហេតុគេបានឃើញយុវជន២នាក់បើកបរម៉ូតូសំដៅទៅខេត្តព្រះសីហនុ លុះទៅដល់ចំណុចកើតហេតុម៉ូតូនោះបានបើកបម្រុងវ៉ារថយន្តកុងតឺន័រ មួយគ្រឿង ដែលបើកស្របទិស គ្នា តែមិនទាន់ទាំងបានវ៉ាផងក៏វាក់នឹងរថយន្តខាងលើបើកមកពីមុខធ្វើឱ្យអ្នកបើកម៉ូតូបន្ថែមល្បឿនគេចឆ្លងទៅចញ្ចើមផ្លូវខាងឆ្វេងដៃ តែមិនផុតក៏ត្រូវរថយន្តបុកចំផ្នែកខាងក្រោយត្រូវអ្នកជិះពីក្រោយ បណ្តាលឱ្យធ្លាក់ពីលើម៉ូតូចូលទៅក្រោមរថយន្តស្លាប់តែម្តង ។
សពត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ចំណែកម៉ូតូនិងរថយន្តត្រូវសមត្ថកិច្ចយកទៅរក្សាទុកនៅអធិការដ្ឋាននគរបាលខេត្ត រង់ចំាំដោះស្រាយ ៕
ចែករំលែកព័តមាននេះ