រាជធានីភ្នំពេញ ៖ យុវជនទំនើង២ក្រុមចេញពីក្លិបឌីស្កូវើលដាន់ ដេញវាយតប់គ្នារត់ប្រសាចពេញផ្លូវ បណ្តាលឱ្យយុវជនម្នាក់រងរបួស និងបន្សល់ទុកម៉ូតូឌ្រីមសេ១២៥ មួយគ្រឿងនៅកណ្តាលផ្លូវត្រូវគេវាយខូចខាតក្បាលខាងមុខ កាលពីវេលាម៉ោង១និង១៥នាទីរំលងអធ្រាត្រឈានចូលថ្ងៃទី១០ កញ្ញា នៅខាងមុខក្លិបវើលដាន់ តាមបណ្តោយផ្លូវលេខ២៧១ ក្នុងសង្កាត់ទឹកល្អក់ទី៣ ខណ្ឌទួលគោក ។
រាជធានីភ្នំពេញ ៖ យុវជនទំនើង២ក្រុមចេញពីក្លិបឌីស្កូវើលដាន់ ដេញវាយតប់គ្នារត់ប្រសាចពេញផ្លូវ បណ្តាលឱ្យយុវជនម្នាក់រងរបួស និងបន្សល់ទុកម៉ូតូឌ្រីមសេ១២៥ មួយគ្រឿងនៅកណ្តាលផ្លូវត្រូវគេវាយខូចខាតក្បាលខាងមុខ កាលពីវេលាម៉ោង១និង១៥នាទីរំលងអធ្រាត្រឈានចូលថ្ងៃទី១០ កញ្ញា នៅខាងមុខក្លិបវើលដាន់ តាមបណ្តោយផ្លូវលេខ២៧១ ក្នុងសង្កាត់ទឹកល្អក់ទី៣ ខណ្ឌទួលគោក ។
ប្រភពព័ត៌មានពីភាគីខាងជនរងគ្រោះបង្ហើបទាំងលាក់លៀមថា ពួកគេមានគ្នា៧ទៅ៨នាក់ជិះម៉ូតូ២គ្រឿង ម៉ូតូស្មាស់មួយគ្រឿង និងម៉ូតូសេ១២៥មួយគ្រឿង នាំគ្នាទៅរាំលេងកម្សាន្តនៅក្លិបវើលដាន់ រហូតដល់ម៉ោងកើតហេតុខាងលើទើបចេញពីក្លិបក្នុងគោលបំណងត្រឡប់ទៅផ្ទះវិញ ស្រាប់តែមានយុវជនមួយក្រុមទៀតគ្នាប្រមាណ១០នាក់បានដេញវាយតប់មកលើពួកគេដែលកំពុងបណ្តើរម៉ូតូចេញពីកន្លែងផ្ញើម៉ូតូបានមួយគ្រឿងនៅសល់ម៉ូតូមួយគ្រឿងទៀតមិនទាន់បានបណ្តើរចេញពីកន្លែងផ្ញើផង បណ្តាលឱ្យក្រុមរបស់គេរងរបួសម្នាក់ និងខូចខាតម៉ូតូសេ១២៥ មួយគ្រឿង ។
ចំពោះការវាយតប់គ្នានេះមិនដឹងថា យុវជនទាំងពីរក្រុមមានទំនាស់អីពេលផឹកស៊ីរាំលេងនៅក្នុងក្លិប ទើបពេលចេញត្រឡប់ទៅផ្ទះវិញ បង្កជាទំនាស់វាយតប់គ្នាកើតឡើងយ៉ាងអនាធិបតេយ្យបែបនេះទេ ។ ម៉ូតូដែលទុកចោលកណ្តាលផ្លូវត្រូវប៉ូលិសយកទៅរក្សាទុកនៅប៉ុស្តិ៍ទឹកល្អក់ទី៣ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ