ខេត្តឧត្តរមានជ័យ ៖ យុវជនម្នាក់ឈ្មោះ ណេត ហេង ភេទប្រុស អាយុ២០ឆ្នាំ រងរបួសបែកក្បាលនិងផ្ទៃមុខ ដោយសារជិះម៉ូតូម៉ាកសេ១២៥សេ៊រី២០១២ ពណ៌ខ្មៅ ធ្វើដំណើរពីកើតទៅលិច បុុកគំនរថ្មនៅកណ្តាលទ្រូងផ្លូវបណ្តាលឱ្យដួលរងរបួសកាលពីវេលាម៉ោង៧យប់ថ្ងៃទី ៨ កញ្ញា ។
ខេត្តឧត្តរមានជ័យ ៖ យុវជនម្នាក់ឈ្មោះ ណេត ហេង ភេទប្រុស អាយុ២០ឆ្នាំ រងរបួសបែកក្បាលនិងផ្ទៃមុខ ដោយសារជិះម៉ូតូម៉ាកសេ១២៥សេ៊រី២០១២ ពណ៌ខ្មៅ ធ្វើដំណើរពីកើតទៅលិច បុុកគំនរថ្មនៅកណ្តាលទ្រូងផ្លូវបណ្តាលឱ្យដួលរងរបួសកាលពីវេលាម៉ោង៧យប់ថ្ងៃទី ៨ កញ្ញា ។
លោកអនុសេនីយ៍ឯកហាស ហេង អធិការរងស្រុកអន្លង់វែងទទួលបន្ទុកផ្នែកចរាចរណ៍បានឱ្យដឹងថា ជនរងគ្រោះមានស្រុកកំណើតនៅភូមិអូរស្រឡៅ ឃុំអូរដំបង ស្រុកសង្កែ ខេត្តបាត់ដំបង បច្ចុប្បន្នមកស្នាក់នៅក្នុងភូមិលំទង ឃុំលំទង ស្រុកអន្លង់វែង បានជិះម៉ូតូក្នុងទិសដៅពីកើតទៅលិចហើយបើកម៉ូតូក្នុងល្បឿនលឿន ទាំងអាការស្រវឹងជោកជាំទៀតផង លុះពេលធ្វើដំណើរមកដល់ចំណុចមុខអធិការដ្ឋាននគរបាលស្រុក ស្រាប់តែបុកគំនរថ្មដែលគេចាក់គរនៅកណ្តាលទ្រូងផ្លូវសម្រាប់ជួសជុលផ្លូវជាតិលេខP.R174ពេញទំហឹងបណ្តាលឱ្យដួលបោកទៅនឹងថ្នល់បែកក្បាល និងបែកផ្ទៃមុខរបួសធ្ងន់ ។
សមត្ថកិច្ចបាននាំជនរងគ្រោះទៅសង្គ្រោះនៅមន្ទីរពេទ្យបង្អែកស្រុកអន្លង់វែង ចំណែកម៉ូតូត្រូវសមត្ថកិច្ចយកទៅរក្សាទុកនៅអធិការដ្ឋាននគរបាលស្រុករង់ចាំធ្វើការដោះស្រាយ ៕
ចែករំលែកព័តមាននេះ