ខេត្តកោះកុង ៖ កាលពីវេលាម៉ោង១០និង៣០នាទីព្រឹកថ្ងៃ៩ កញ្ញា ភ្លើងបានឆាបឆេះអស់ផ្ទះបាយមួយខ្នង និងសម្ភារមួយចំនួនទៀតដោយសារតែការឆាបប្រេងសាំងខណៈដែលម្ចាស់ផ្ទះផ្ទេរប្រេងសាំងចេញពីក្នុងរថយន្តប្រេង ចូលក្នុងស៊ីទែនស្តុកទុកលក់ ។
ហេតុការណ៍នេះបានកើតឡើងទៅលើផ្ទះអាជីវករឈ្មោះពែក សុគន់ ភេទប្រុសអាយុ៥៣ឆ្នាំ មានទីលំនៅក្នុងភូមិ៣ សង្កាត់ស្មាច់មានជ័យក្រុងខេមរភូមិន្ទ ខេត្ត
ខេត្តកោះកុង ៖ កាលពីវេលាម៉ោង១០និង៣០នាទីព្រឹកថ្ងៃ៩ កញ្ញា ភ្លើងបានឆាបឆេះអស់ផ្ទះបាយមួយខ្នង និងសម្ភារមួយចំនួនទៀតដោយសារតែការឆាបប្រេងសាំងខណៈដែលម្ចាស់ផ្ទះផ្ទេរប្រេងសាំងចេញពីក្នុងរថយន្តប្រេង ចូលក្នុងស៊ីទែនស្តុកទុកលក់ ។
ហេតុការណ៍នេះបានកើតឡើងទៅលើផ្ទះអាជីវករឈ្មោះពែក សុគន់ ភេទប្រុសអាយុ៥៣ឆ្នាំ មានទីលំនៅក្នុងភូមិ៣ សង្កាត់ស្មាច់មានជ័យក្រុងខេមរភូមិន្ទ ខេត្តកោះកុង មានមុខរបរលក់គ្រឿងទេស និងប្រេងសាំង ។ តាមសមត្ថកិច្ចមានប៉ូលិស និងកំលាំងអាវុធហត្ថក្រុង-ខេត្តដែលចុះទៅជួយពន្លត់ដល់កន្លែងកើតហេតុអះអាងថា មូលហេតុដែលបណ្តាលឱ្យមានការឆេះនេះគឺដោយសារតែម្ចាស់ផ្ទះបានដឹកប្រេងសាំងមកផ្ទេរចេញពីក្នុងរថយន្ត ចូលក្នុងស៊ីទែនស្តុក ។ ដោយសារតែការផ្ទេរនេះនៅជិតចង្ក្រានបាយពេក ធ្វើឱ្យចំហាយប្រេងសាំងឆាបឆេះតែម្តង ។ អ្វីដែលចាត់ទុកថា សំណាងល្អគឺការឆាបឆេះនេះបានកើតឡើងក្រោយតែបន្តិចប៉ុណ្ណោះ បន្ទាប់ពីផ្ទេរប្រេងអស់ រួចរថយន្តស៊ីទែនដែលដឹកប្រេងសាំងបានចេញផុត ។
តាមរបាយការណ៍ និងការសន្និដ្ឋានរបស់សមត្ថកិច្ចបញ្ជាក់ថា ការឆាបឆេះនេះធ្វើឱ្យមានការខូចខាតទ្រព្យសម្បត្តិមួួយចំនួនដូចជា ម៉ូតូ២គ្រឿង កង់២គ្រឿង ប្រេងសាំងអស់៣ពាន់លីត្រ ប្រេងម៉ាស៊ូត៥ពាន់លីត្រ ផ្ទះបាយមួយខ្នងព្រមទាំងសម្ភារកំបិុកកំប៉ុកមួយចំនួនផងដែរ ។ ក្រៅពីនោះបណ្តាលឱ្យឆាបឆេះខូចខាតរបងថ្មសងខាង និងម្ចាស់ផ្ទះឈ្មោះពែក សុគន់ ត្រូវភ្លើងឆេះរលាកបន្តិចបន្តួច ។ ដោយសារតែមានអ្នកភូមិនិងសមត្ថកិច្ចទៅជួយដងទឹក និងបូមទឹកបាញ់ពន្លត់ បន្ទាប់មកមានរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តនិងរថយន្តរបស់ក្រុមហ៊ុនភ្នំពេញ ស៊ូហ្គើរមួយគ្រឿងទៀតជួយបាញ់ពន្លត់ទើបអណ្តាតភ្លើង បានរលត់ទាំងស្រុង មិនមានប៉ះពាល់ដល់ទ្រព្យសម្បត្តិអ្នកជិតខាងឡើយ ៕
ចែករំលែកព័តមាននេះ