រាជធានីភ្នំពេញ ៖ ទារិកាម្នាក់មានអាយុ៣ខែ ត្រូវបានគេយកទៅទុកចោលនៅក្រោមស្ពានអាកាសផ្សារដីហុយ បង្កអោយមានការភ្ញាក់ផ្អើលកាលពីវេលាម៉ោង៣ឈានចូលព្រឹកថ្ងៃទី២៧ ខែមិថុនា ឆ្នាំ២០២៥ នៅចំណុចខាងក្រោមស្ពានអាកាសផ្សារដីហុយ ជិតប៉ុស្តិ៍យាម២៤ម៉ោង សង្កាត់ទឹកថ្លា…
រាជធានីភ្នំពេញ ៖ ទារិកាម្នាក់មានអាយុ៣ខែ ត្រូវបានគេយកទៅទុកចោលនៅក្រោមស្ពានអាកាសផ្សារដីហុយ បង្កអោយមានការភ្ញាក់ផ្អើលកាលពីវេលាម៉ោង៣ឈានចូលព្រឹកថ្ងៃទី២៧ ខែមិថុនា ឆ្នាំ២០២៥ នៅចំណុចខាងក្រោមស្ពានអាកាសផ្សារដីហុយ ជិតប៉ុស្តិ៍យាម២៤ម៉ោង សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
តាមប្រភពពត៌មានពីបងប្អូនប្រជាពលរដ្ឋបានឱ្យដឹងថា នៅមុនពេលកើតហេតុ មានអ្នករត់ម៉ូតូកង់បីឥណ្ឌា បានធ្វើដំណើរតាមបណ្ដោយផ្លូវសហព័ន្ធរុស្ស៊ី ខាងក្រោមស្ពានអាកាសផ្សារដីហុយប្រទះឃើញក្មេងយំ ក៏បានចុះទៅមើល រួចទៅប្រាប់អ្នកសារព័ត៌មានដែលនៅជិតកន្លែងកើតហេតុឱ្យជួយទាក់ទងទៅនគរបាលប៉ុស្តិ៍សង្កាត់ទឹកថ្លាភ្លាមៗ ។ លុះបន្ទាប់មកដោយមានកំលាំងនគរបាលប៉ុស្តិ៍ចុះមកដល់ ឃើញកូនស្រីតូចដេកនៅលើកំរាលកៅស៊ូមានក្រណាត់កន្សែងរុំ ពាក់អាវពណ៌ក្រហម អត់មានខោ ។
តាមប្រភពពត៌មានបានបន្តទៀតថា ខណៈពេលភ្លាមៗកំលាំងនគរបាលប៉ុស្តិ៍បានទាក់ទងទៅ មន្ត្រីអាជ្ញាធរសង្កាត់ភ្លាមៗរួចរៀបរាប់តាមដំណើររឿង ។
ក្រោយពេលកើតហេតុ នគរបាលប៉ុស្តិ៍នឹងបងប្អូនប្រជាពលរដ្ឋបានយកកូនស្រីខាងលើយកទៅផ្ទះបងស្រីអាជ្ញាធរសង្កាត់ទឹកថ្លា ដើម្បីរង់ចាំប្រគល់អោយមន្ត្រីសង្គមកិច្ចចាត់ការតាមនីតិវិធីបន្ត ៕
ចែករំលែកព័តមាននេះ