រាជធានីភ្នំពេញ ៖ ដោយមានកិច្ចគាំទ្រពីក្រសួងសុខាភិបាល និងក្រសួងការងារ និងបណ្ដុះបណ្ដាលវិជ្ជាជីវៈ គឺអ្នកជំនាញថែសម្ផស្សកម្ពុជា-កូរ៉េ បានសហការគ្នាបណ្ដុះបណ្ដាលជំនាញថែសម្ផស្ស ដល់ប្រជាពលរដ្ឋ និងយុវជនកម្ពុជា ឲ្យមានជំនាញមួយច្បាស់លាស់ក្នុងជីវិត អាចរកប្រាក់ចំណូលបាន ហើយក៏ស្របតាមកម្មវិធីនយោបាយរបស់រាជរដ្ឋាភិបាល ក្នុងការបណ្ដុះបណ្ដាលជំនាញវិជ្ជាជីវៈ ដល់ពលរដ្ឋ ។
លោកស្រី ឈួ គីមសួង ជាស្ថាបនិករបស់សាលាបណ្ដុះបណ្ដាលផ្នែកថែរក្សាសម្ផស្ស KKIM Standard Beauty Academy បានឲ្យដឹងក្នុងសិក្ខាសាលា និងពិធីប្រគល់សញ្ញាបត្រដល់សិក្ខាកាមផ្នែកកែសម្ផស្ស កាលពីថ្ងៃទី២៦ ខែកក្កដា ឆ្នាំ២០២៦ថា ការបណ្ដុះបណ្ដាលនេះគឺផ្ដោតទាំងលើទ្រឹស្តី ការអនុវត្តជាក់ស្ដែង និងក្រមសីលធម៌វិជ្ជាជីវៈ ព្រោះគោលបំណងចង់ឲ្យសិស្សមានសមត្ថភាពពិតប្រាកដ ប្រកបអាជីពដោយជោគជ័យ និងមានវិជ្ជាជីវៈច្បាស់លាស់ ផ្នែកខាងថែរក្សាសម្ផស្ស ដែលអាចបើកអាជីវកម្មខ្លួនឯងបាន ។
អ្នកស្រីបន្តថា បច្ចុប្បន្ននេះ វិស័យថែរក្សាសម្ផស្ស មិនមែនជាវិស័យដែលផ្ដោតតែទៅលើការបង្កើនសម្រស់ខាងក្រៅប៉ុណ្ណោះទេ ប៉ុន្តែបានក្លាយជាវិស័យសេវាកម្ម ប្រកបដោយវិជ្ជាជីវៈ ដែលរួមចំណែកយ៉ាងសំខាន់ ក្នុងការលើកកម្ពស់គុណភាពជីវិត ការបង្កើនទំនុកចិត្ត និងការបង្កើតឱកាសសេដ្ឋកិច្ចសម្រាប់បុគ្គល គ្រួសារ និងសង្គមទាំងមូល ហើយក៏ស្របទៅនឹងកិច្ចខិតខំរបស់រាជរដ្ឋាភិបាលកម្ពុជា ក្នុងការលើកកម្ពស់ជីវភាពរបស់ពលរដ្ឋ និងការដាក់ចេញនូវកម្មវិធីនយោបាយ បណ្ដុះបណ្ដាលជំនាញវិជ្ជាជីវៈ ១លាន ៥សែននាក់ ។
ចំណែកអ្នកឧកញ៉ាបណ្ឌិត យូ សាម៉េត អគ្គនាយកអ៊ីខនគ្រុប បានលើកឡើងថា នេះជាមោទនភាពមួយសម្រាប់កម្ពុជា ដែលមានការបណ្ដុះបណ្ដាលជំនាញថែរក្សាសម្ផស្ស រួមទាំងការប្រើប្រាស់នូវឧបករណ៍ទំនើប ការបណ្ដុះបណ្ដាលដែលមានវិជ្ជាជីវៈ និងមានលក្ខណៈស្ដង់ដារអន្តរជាតិ ។
អ្នកឧកញ៉ា បានគូសបញ្ជាក់ថា ប៉ុន្តែសញ្ញាបត្រគឺជាការចាប់ផ្តើម មិនមែនជាទីបញ្ចប់នៃការរៀនសូត្រនោះទេ ដោយបច្ចុប្បន្ននេះ ពិភពលោកកំពុងមានការផ្លាស់ប្តូរ យ៉ាងឆាប់រហ័ស នូវបច្ចេកវិទ្យាថ្មីៗកំពុងកើតឡើងជាបន្ត បន្ទាប់ ហើយតម្រូវការរ ក៏កាន់តែមានកម្រិតខ្ពស់។ ដូចនេះ ការបន្តសិក្សា ការបន្តអភិវឌ្ឍជំនាញ និងការបើកចិត្តទទួលយកចំណេះដឹងថ្មីៗ គឺជាគន្លឹះនៃភាពជោគជ័យក្នុងវិជ្ជាជីវៈ ។
អ្នកឧញ៉ា បានលើកឡើងថាកូនខ្មែរដែលបានរៀនជំនាញផ្នែសម្ផស្ស ពីប្រទេសកូរ៉េពិតជាមានការល្អខ្លាំងណាស់ ព្រោះពួកគេបានយកជំនាញពីប្រទេសកូរ៉េដែលសំបូរដោយមនុស្សស្អាតៗ ហើយយកជំនាញម ញមកធ្វើការចែក រំលែកបទពិសោធន៍ដល់កូនខ្មែរ ។
អ្នកឧញ៉ាបានបញ្ជាក់យ៉ាងដូច្នេះថា៖«យើងលើកទឹកចិត្តនេះមករៀនមានជំនាញហើយបង្កើតមុខរបហើយស្អាតទៀត។ទាំងស្រួល ទាំងត្រជាក់ ទាំងបានលុយ។គាត់ជួយបង្កើតមុខរបក្នុងក្រុមគ្រួសារគាត់បានល្អ អីញ្ចឹងខ្ញុំសូមលើកទឹកចិត្ត កូនខ្មែរឪ្យចូលរៀនបានច្រើន» ។
ជាមួយគ្នានោះដែរអ្នកឧញ៉ាក៏បានផ្តាំផ្ញើរទៅអ្នកដែលចេះមកពីរៀនតៗគ្នាថាការធ្វើបែបនេះមានការពិបាកព្រោះថាជាការរៀនមិនមានស្តង់ដាដែលធ្វើឲ្យមានការប៉ះពាល់ផ្ទៃមុខ រាង្គកាយនៅពេលធ្វើការកែរសម្ភស្ស។ដូច្នេះសូមអំពាវ នាវដល់កូនខ្មែរ រៀនយកជំនាញដែលមានស្តង់ដាឲ្យបានគ្រប់គ្នា។នៅក្នុងប្រទេសកម្ពុជាដោយសារតែមានការយល់ដឹងជំនាញ ការកែសម្ភស្ស នៅមានកម្រិតទាបដោយសារគ្មានសាលាបង្រៀន ប៉ុន្តែពេលនេះយើងមានសាលានៅក្នុងប្រទេសហើយសូមមករៀនដើម្បី ទទួលបានជំនាញច្បាស់លាស់ឲ្យបានគ្រប់គ្នា ៕
ចែករំលែកព័តមាននេះ