ត្រឹមតែ១សប្តាហ៍! ខេត្តកំពង់ស្ពឺទទួលបានភ្ញៀវទេសចរណ៍មកលេងកម្សាន្តជាង២ម៉ឺននាក់
- កំពង់ស្ពឺ
ខេត្តកំពង់ស្ពឺ៖ ត្រឹមតែរយៈពេលមួយសប្តាហ៍ រមណីយដ្ឋាននានាទូទាំងខេត្តកំពង់ស្ពឺបានទទួលស្វាគមន៍ភ្ញៀវទេសចរណ៍មកកំសាន្តសរុបមានចំនួន ២៤,២៣៥នាក់។ នេះបើយោងតាមរបាយការណ៍របស់មន្ទីរទេសចរណ៍ខេត្តកំពង់ស្ពឺ។
មន្ទីរទេសចរណ៍ខេត្តកំពង់ស្ពឺបានឲ្យដឹងថា គិតចាប់ពីថ្ងៃទី២០ ខែកក្កដា រហូតដល់ថ្ងៃទី២៦ ខែកក្កដា ឆ្នាំ២០២៦ ភ្ញៀវទេសចរ ជាតិ និងអន្តរជាតិ មកលេងកម្សាន្តតាមរមណីយដ្ឋាន សហគមន៍ទេសចរណ៍ និងស្នាក់នៅ ក្នុងភូមិសាស្ត្រខេត្តកំពង់ស្ពឺ។
យោងតាមរបាយការណ៍មន្ទីរទេសចរណ៍ខេត្តកំពង់ស្ពឺបានបន្តឲ្យដឹងទៀតថា ភ្ញៀវទេសចរមកកំសាន្តតាមរមណីយដ្ឋាននានាទូទាំងខេត្តសរុប ២៤,២៣៥នាក់ក្នុងនោះមាន÷
ទី១- ភ្ញៀវទេសចរជាតិ និង អន្តរជាតិ(ស្នាក់នៅ) មានចំនួន១,៦៥០នាក់
ទី២- ភ្ញៀវទេសចរ និងប្រជាពលរដ្ឋ ដើរកម្សាន្តវិលល្ងាចមានចំនួន ២២,៤៣០នាក់
និងទី៣- ទេសចរ បរទេសមានចំនួន១៥៥នាក់ផងដែរ។
ចំពោះ សន្តិសុខ កណ្ដាប់ធ្នាប់ និងសុវត្ថិភាព សមត្ថកិច្ចបានយកចិត្តទុកដាក់ រក្សាបានល្អ។
ដោយឡែកសម្រាប់ម្ហូបអាហារដែលលក់នៅតាមសហគមន៍និងតំបន់ទេសចរណ៍នានាទូទាំងខេត្តមានតម្លៃសមរម្យ ៕
ចែករំលែកព័តមាននេះ