ខេត្តកំពង់ស្ពឺ ៖ បុរសម្នាក់បានលង់ទឹកស្លា.ប់ ខណៈទៅបង់សំណាញ់នៅឯប្រឡាយមួយខាងជើងភូមិរបស់ខ្លួន ចម្ងាយប្រមាណ១.៥០០ម៉ែត្រ ហើយទាក់សំណាញ់រុំជើងធ្លាក់ទៅក្នុងទឹកដោយគ្មាននរណាដឹង លុះពេលអ្នកទៅដកស្ទូងនៅចំណុចនោះឃើញគឺស្លា.ប់ទៅហើយ ទើបប្រាប់ក្រុមគ្រួសារ និងសមត្ថកិច្ច ។
ខេត្តកំពង់ស្ពឺ ៖ បុរសម្នាក់បានលង់ទឹកស្លាប់ ខណៈទៅបង់សំណាញ់នៅឯប្រឡាយមួយខាងជើងភូមិរបស់ខ្លួន ចម្ងាយប្រមាណ១.៥០០ម៉ែត្រ ហើយទាក់សំណាញ់រុំជើងធ្លាក់ទៅក្នុងទឹកដោយគ្មាននរណាដឹង លុះពេលអ្នកទៅដកស្ទូងនៅចំណុចនោះឃើញគឺស្លាប់ទៅហើយ ទើបប្រាប់ក្រុមគ្រួសារ និងសមត្ថកិច្ច ។
ហេតុការណ៍នេះត្រូវបានលោកអនុសេនីយ៍ឯក ពីង ពៅ អធិការរងនគរបាលស្រុកឧដុង្គ រៀបរាប់ថា ជនរងគ្រោះឈ្មោះរៀល អឿន អាយុ៤៦ឆ្នាំ មានទីលំនៅក្នុងភូមិផ្គរ ឃុំវាលពង់ស្រុកឧដុង្គ បានចេញពីផ្ទះទៅកាន់ប្រឡាយទឹកស្ថិតនៅខាងជើងភូមិ ដោយយកសំណាញ់ទៅបង់ត្រីផង ។ លោកពីង ពៅ បន្តថា អ្នកភូមិផ្គរដែលទៅស្ទូងដកនៅចំណុចនោះបានប្រទះឃើញជនរងគ្រោះស្លាប់នៅក្នុងទឹក ដែលមានជម្រៅលើក្បាលជង្គង់ ដោយត្រូវសំណាញ់រុំជើងផង ហើយទឹកប្រឡាយនេះពុំហូរទេ ។
សពជនរងគ្រោះត្រូវបានអះអាងថា លង់ទឹកស្លាប់ដោយសារសំណាញ់រុំជើង ។ អ្នកស្រុកបន្តថា ជនរងគ្រោះកន្លងទៅធ្លាប់តែប្រកាច់ គឺមានជំងឺឆ្កួតជ្រូកដែលយូរៗតែងប្រកាច់ម្តង ដូច្នេះប្រហែលជាគាត់មានបញ្ហាពេលបង់សំណាញ់ ។ សពបរុសរូបនេះត្រូវបានគេប្រទះឃើញនៅក្នុងប្រឡាយកាលពីវេលាម៉ោង៣និង៤០នាទីរសៀលថ្ងៃទី៦ កញ្ញា ហើយត្រូវបានក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ