រាជធានីភ្នំពេញ ៖ នារីម្នាក់ត្រូវចោរឆក់កាបូបទាញធ្លាក់ពីលើម៉ូតូដួលបែកក្បាល ខណៈពេលជិះម៉ូតូចេញពីធ្វើការ ។ តែសំណាងល្អក្រុមចោរ ឆក់មិនបានសម្រេចទេ ដោយសារនារីរងគ្រោះកៀបកាបូបជាប់នឹងក្លៀក ទើបបណ្តាលឱ្យធ្លាក់ពីលើម៉ូតូតែម្តង ។ ហេតុការណ៍នេះ កើតឡើងកាលពីវេលាម៉ោង១០ និង៤៥នាទីយប់ថ្ងៃទី៧ កញ្ញា តាមមហាវិថីព្រះសីហនុ ទល់មុខអតីតរោងកុន
រាជធានីភ្នំពេញ ៖ នារីម្នាក់ត្រូវចោរឆក់កាបូបទាញធ្លាក់ពីលើម៉ូតូដួលបែកក្បាល ខណៈពេលជិះម៉ូតូចេញពីធ្វើការ ។ តែសំណាងល្អក្រុមចោរ ឆក់មិនបានសម្រេចទេ ដោយសារនារីរងគ្រោះកៀបកាបូបជាប់នឹងក្លៀក ទើបបណ្តាលឱ្យធ្លាក់ពីលើម៉ូតូតែម្តង ។ ហេតុការណ៍នេះ កើតឡើងកាលពីវេលាម៉ោង១០ និង៤៥នាទីយប់ថ្ងៃទី៧ កញ្ញា តាមមហាវិថីព្រះសីហនុ ទល់មុខអតីតរោងកុនគិរីរម្យ ក្នុងសង្កាត់បឹងព្រលិត ខណ្ឌ៧មករា ។
បើតាមសម្តីរបស់ឈ្មោះហេង ភេទប្រុស អាយុជាង៤០ឆ្នាំ ស្នាក់នៅម្តុំព្រលានយន្តហោះអន្តរជាតិភ្នំពេញក្នុងសង្កាត់កាកាប ខណ្ឌពោធិ៍សែនជ័យ ត្រូវជាឪពុករបស់នារីរងគ្រោះឈ្មោះលីន អាយុជាង២០ឆ្នាំ ជាបុគ្គលិកសណ្ឋាគារណាហ្គាវើលឱ្យដឹងថា មុនពេលកើតហេតុ គាត់បានជិះម៉ូតូវីវ៉ាពណ៌ខ្មៅ ទៅទទួលកូនស្រីចេញពីធ្វើការនៅសណ្ឋាគារណាហ្គាវើល ។ លុះពេលជិះឌុបកូនស្រីបំណងត្រឡប់ទៅផ្ទះវិញ មកដល់ចំណុចកើតហេតុ ស្រាប់តែមានជនសង្ស័យ២នាក់ជិះម៉ូតូឌ្រីមសេ១២៥ ពណ៌ខ្មៅ ធ្វើសកម្មភាពឆក់កាបូបកូនស្រីគាត់តែម្តង ។ ភ្លាមៗជនសង្ស័យ២នាក់នេះ បានបន្ថែមល្បឿនរត់គេចបាត់ ។ ចំណែកបុរសជាឪពុកក៏មិនបានដាក់ពាក្យបណ្តឹងទេ ដោយសារកាបូបស្ពាយនោះមិនបានបាត់បង់ គ្រាន់តែកូនស្រីរងរបួស ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ