ខេត្តកណ្តាល ៖ សពទារិកាម្នាក់ដែលទំនងជាទើបនឹងកើត បានត្រូវគេយកមកបោះចោលនៅក្នុងធុងសំរាម ហើយត្រូវបានអ្នករើសអេតចាយប្រទះឃើញកាលពីវេលាម៉ោង១រសៀលថ្ងៃទី៧ កញ្ញា នៅក្នុងធុងសំរាមខាងត្បូងជាប់ផ្សារតាខ្មៅចាស់ ។ ហេតុការណ៍នេះបានធ្វើឱ្យមានការភ្ញាក់ផ្អើលដល់មនុស្សម្នាទៅចោមរោមមើលយ៉ាងច្រើនកុះករទាំងក្តីសង្វេគ និងមានអ្នកខ្លះបានភ្លាត់មាត់ជេរ
ខេត្តកណ្តាល ៖ សពទារិកាម្នាក់ដែលទំនងជាទើបនឹងកើត បានត្រូវគេយកមកបោះចោលនៅក្នុងធុងសំរាម ហើយត្រូវបានអ្នករើសអេតចាយប្រទះឃើញកាលពីវេលាម៉ោង១រសៀលថ្ងៃទី៧ កញ្ញា នៅក្នុងធុងសំរាមខាងត្បូងជាប់ផ្សារតាខ្មៅចាស់ ។ ហេតុការណ៍នេះបានធ្វើឱ្យមានការភ្ញាក់ផ្អើលដល់មនុស្សម្នាទៅចោមរោមមើលយ៉ាងច្រើនកុះករទាំងក្តីសង្វេគ និងមានអ្នកខ្លះបានភ្លាត់មាត់ជេរ ម្តាយទារិកានោះទៀតផង ។
មិនមានប្រភពណាមួយអះអាងថា គេយកទារិកានេះមកបោះចោលតាំងពីពេលណានោះទេ តែគេសង្ស័យថាទារិកានេះអាចម្តាយយកមកប្លុងចោលនៅទីនេះតាំងពីនៅរស់ ។ សពទារិកាមានសម្បុរស ទម្ងន់់ប្រហែល៤គីឡូក្រាម ច្រមុះស្រួច និងមានស្លៀកសម្លៀកបំពាក់យ៉ាងត្រឹមត្រូវទៀតផង ។ តាមការសន្និដ្ឋាន ទារិកានេះគឺទើបតែកើតកាលពីយប់ថ្ងៃ ទី៦ កញ្ញា ហើយក៏មានអ្នកខ្លះសន្និដ្ឋានថា ទារិកានេះអាចម្តាយយកមកប្លុងចោលនៅក្នុងធុងសំរាមតាំងពីនៅរស់ ប៉ុន្តែដោយសារនៅក្នុងថង់ប្លាស្ទិកពណ៌ខ្មៅ ក្តៅខ្លាំងពេកក៏បណ្តាលឱ្យស្លាប់តែម្តង ។
ឯអ្នកខ្លះទៀតនិយាយថា បើយកទារិកាមកប្លុងចោលនៅរស់ប្រាកដជា មានអ្នកឮសំឡេងយំមិនខាន ។ អ្នកទៅចោមរោមមើល មានការសោកស្តាយទារិកានេះ ព្រោះនាងមានរូបរាងល្អល្អាច់ណាស់៕
ចែករំលែកព័តមាននេះ