នាយករដ្ឋមន្ត្រីប៉ាឡេស្ទីន លោកសាឡាម ហ្វៃយ៉ាដ និយាយកាលពីថ្ងៃទី៦ កញ្ញា ថាលោកត្រៀមខ្លួនលាលែងចេញពីតំណែងប្រសិនបើប្រជាជនស្នើសុំបែបនេះ ។ លោកអះអាងដូច្នេះក្រោយបាតុកម្មរយៈពេល៣ថ្ងៃរបស់ប្រជាជនប៉ាឡេស្ទីនប្រឆាំងនឹងទំនិញឡើងថ្លៃយ៉ាងខ្ពស់នៅតំបន់ស៊ីសហ្ស៊កដានី ។
នាយករដ្ឋមន្ត្រីប៉ាឡេស្ទីន លោកសាឡាម ហ្វៃយ៉ាដ និយាយកាលពីថ្ងៃទី៦ កញ្ញា ថាលោកត្រៀមខ្លួនលាលែងចេញពីតំណែងប្រសិនបើប្រជាជនស្នើសុំបែបនេះ ។ លោកអះអាងដូច្នេះក្រោយបាតុកម្មរយៈពេល៣ថ្ងៃរបស់ប្រជាជនប៉ាឡេស្ទីនប្រឆាំងនឹងទំនិញឡើងថ្លៃយ៉ាងខ្ពស់នៅតំបន់ស៊ីសហ្ស៊កដានី ។
ការដំឡើងប្រមាណជា ៥%នៃតម្លៃប្រេងឥន្ធនៈញាំុងឱ្យផ្ទុះបាតុកម្មទាំងនេះនៅក្រុងរ៉ាម៉ាឡាហ៍ ហ្សេនីន និងហេប្រោន ដែលនៅទីក្រុងទាំងនោះពួកប៉ាឡេស្ទីនបានដុតកង់រថយន្តនិងដុតរូបថតមួយរបស់លោកសាឡាម ហ្វៃយ៉ាដ ស្ថាបនិកនយោបាយសេដ្ឋកិច្ចរបស់អាជ្ញាធរប៉ាឡេស្ទីន ។
លោកសាឡាម ហ្វៃយ៉ាដ ថ្លែងទៅកាន់ក្រុមអ្នកកាសែតនៅក្រុងរ៉ាម៉ាឡាហ៍ថា ប្រសិនបើមានសំណើហើយបើធ្វើបែបនេះអាចដោះស្រាយបណ្តាបញ្ហាសេដ្ឋកិច្ចនោះខ្ញុំនឹងមិនរារែកក្នុងការសុំលាលែងចេញពីតំណែងឡើយ រួចខ្ញុំនឹងលាឈប់ភ្លាមៗ ។ដោយស្រែកពាក្យស្លោក នានានៃទិទាឃរដូវអារ៉ាប់ពួកបាតុករប៉ាឡេស្ទីន បានស្រែកប្រឆាំងប្រមុខរដ្ឋាភិបាលពួកគេ ។ពួកគេចោទប្រកាន់អតីតអ្នកទទួលខុសត្រូវរបស់IFM រូបនោះថា ពុករលួយ ហើយប្រើនយោបាយអាក្រក់សម្រាប់ពួកអ្នកក្រីក្រ ។
ទទួលរងការរិតត្បិតរបស់អីុស្រាអែល ហើយប្រឈមមុខនឹងការកាត់បន្ថយជំនួយពីខាងក្រៅ ពិសេសមកពីបណ្តាប្រទេសលោកខាងលិចនិងបណ្តាប្រទេសនៅតំបន់ឈូងសមុទ្រព្សែ៍អាជ្ញាធរបា៉ឡេស្ទីនឆ្លងកាត់វិបត្តិហិរញ្ញវត្ថុមួយ ។ ប្រាក់បៀវត្សមន្ត្រីរដ្ឋការត្រូវបើកយឺតយ៉ាវជាច្រើនលើកនាឆ្នាំនេះ ៕
ចែករំលែកព័តមាននេះ