រាជធានីភ្នំពេញ ៖ យុវជនម្នាក់បានជិះរថយន្តសេ៊រីទំនើបម៉ាក់ Prius ពណ៌ទឹកប្រាក់ មកឈប់នៅចំណុចផ្លូវលេខ៣៦០ កែងមហាវិថីព្រះនរោត្តម ក្នុងសង្កាត់បឹងកេងកងទី១ ខណ្ឌចំការមន កាលពីវេលាម៉ោង៩និង៣០នាទីព្រឹកថ្ងៃទី៧ កញ្ញា រួចឈប់រថយន្តចេញមកក្រៅហើយខាំអណ្តាតខ្លួនឯងបណ្តាលឱ្យដួលសន្លប់ដោយពុំដឹងមូលហេតុ ។
រាជធានីភ្នំពេញ ៖ យុវជនម្នាក់បានជិះរថយន្តសេ៊រីទំនើបម៉ាក់ Prius ពណ៌ទឹកប្រាក់ មកឈប់នៅចំណុចផ្លូវលេខ៣៦០ កែងមហាវិថីព្រះនរោត្តម ក្នុងសង្កាត់បឹងកេងកងទី១ ខណ្ឌចំការមន កាលពីវេលាម៉ោង៩និង៣០នាទីព្រឹកថ្ងៃទី៧ កញ្ញា រួចឈប់រថយន្តចេញមកក្រៅហើយខាំអណ្តាតខ្លួនឯងបណ្តាលឱ្យដួលសន្លប់ដោយពុំដឹងមូលហេតុ ។
តាមសាក្សីនៅកន្លែងកើតហេតុបានឱ្យដឹងថា ដំបូងគេឃើញយុវជននោះជិះរថយន្តស៊េរីទំនើបលើកំណាត់ផ្លូវលេខ៣៦០ ក្នុងទិសដៅពីលិចទៅកើត លុះដល់ចំណុចផ្លូវកែងមហាវិថីព្រះនរោត្តម ក៏ឈប់រថយន្តកណ្តាលផ្លូវ ហើយចុះពីរថយន្តដើរចេញ រួចខាំអណ្តាតខ្លួនឯងបណ្តាលឱ្យដួលសន្លប់តែម្តង ។ ក្រោយពេលកើតហេតុ គេឃើញនារីជំទង់ម្នាក់ និងស្ត្រីចំណាស់ម្នាក់ចេញពីរថយន្តនោះដែរ ហើយអះអាងថា គាត់ជាម្តាយរបស់ជនរងគ្រោះ ។
ក្នុងហេតុការណ៍ខាងលើនេះ មន្ត្រីសមត្ថកិច្ចប៉ុស្តិ៍បឹងកេងកងទី១ បានអន្តរាគមន៍ និងទៅសួរនាំហើយទទួលព័ត៌មានថា យុវជនខាងលើនេះ តែងមានចរិតគិតខ្លី ដូច្នេះជាញឹកញាប់ណាស់មកហើយ ។ ដោយសារមិនមានបាតុភាពអ្វីធ្ងន់ធ្ងរកើតឡើង សមត្ថកិច្ចបានប្រគល់រថយន្តម៉ាក Prius ឱ្យក្រុមគ្រួសារវិញ ដោយឡែកយុវជនរងគ្រោះនោះត្រូវបានក្រុមគ្រួសារដឹកយកទៅសង្គ្រោះនៅមន្ទីរពេទ្យមិត្តភាពខ្មែរ-សូវៀត។
តាមប្រភពព័ត៌មានមិនផ្លូវការផ្សេងមួយបានឱ្យដឹងថា យុវជនខាងលើនេះ មិនមែនខាំអណ្តាតទេ គឺមានជំងឺខ្យល់គរ ។ ប្រភពមួយទៀតបាននិយាយថា យុវជនខាងលើនេះ មានវិបត្តិក្នុងគ្រួសារ ទើបដាច់ចិត្តខាំអណ្តាតប៉ុនប៉ងសម្លាប់ខ្លួនឯងបែបនេះ ៕
ចែករំលែកព័តមាននេះ